ესპანეთის არჩევნებში გამარჯვებული კონსერვატიული პარტია მოლაპარაკებებს იწყებს კოალიციის შექმნისთვის
ამის შესახებ პარტიის ლიდერმა, ალბერო ნუნიეს ფეიხოომ განაცხადა 24 ივლისს.
კონსერვატიული პატია შეცვლის მემარცხენე მთავრობას, რომელსაც პედრო სანჩესი ხელმძღვანელობდა.
23 ივლისის არჩევნებში გამარჯვებულმა სახალხო პარტიამ 350-დან 136 ხმა დაისაკუთრა. უმრავლესობისთვის მას 176 მანდატი ესაჭიროება. იმისათვის, რომ არჩევნებში გამარჯვებულმა პარტიამ მთავრობა ჩამოაყალიბოს, აუცილებელია სხვა პარტიების მხარდაჭერა. ექსპერტები მიიჩნევენ, რომ გამარჯვებულს შეიძლება მოუწიოს კოალიციაში შესვლა უფრო რადიკალურ ძალებთან - მემარცხენე პარტია Sumar-თან და ულტრამემარჯვენე Vox-თან.
ესპანელმა ამომრჩევლებმა აირჩიეს პარლამენტის ქვედა პალატის 350 დეპუტატი და მისი ზედა პალატის, სენატის, 208 დეპუტატი. 23 ივლისს რიგგარეშე არჩევნები ჩატარდა. ის დეკემბერში იყო დაგეგმილი, მაგრამ მაისის მუნიციპალურ არჩევნებში თავისი პარტიის წარუმატებლობის შემდეგ პრემიერ-მინისტრმა, სანჩესმა დაითხოვა პარლამენტი და ახალი არჩევნები დანიშნა ზაფხულისთვის.