არაგადამდებ დაავადებათა პრევენციის ალიანსის გამგეობის თავმჯდომარე სიმონ გაბრიჭიძე მნიშვნელოვნად თვლის ჯანმრთელობისა და ჯანდაცვის გამიჯვნას, ვინაიდან ჯანდაცვა ჯანმრთელობის მხოლოდ ერთ-ერთი (არა მთავარი) გამაპირობებელი ფაქტორია: "პირდაპირპროპორციული კავშირია კარგ განათლებასა და კარგ ჯანმრთელობას შორის, ასევე სამუშაო და საცხოვრებელ გარემო პირობესა და ჯანმრელობას შორის. ძალიან მნიშვნელოვანია სოციალური მხარდაჭერის ქსელები, გენეტიკური წინასწარი განწყობა, გენდერული ფაქტორები და ბოლოს არის ჯანდაცვის სისტემა, რომელიც განაპირობებს ჯანმრთელობას.
ადამიანის ნაადრევ (15-დან 60 წლამდე) გარდაცვალებაში ყველაზე მნიშვნელოვანი წვლილი შეაქვს ქცევით ფაქტორებს. ადამიანი ადრე გარდაიცვლება თუ არა, 40%-ში დამოკიდებულია მის ქცევაზე. შემდეგ მოდის უკვე სოციალური ფაქტორები, მოდის ასევე გარემო ფაქტორები, მოდის გენეტიკური წინასწარი განწყობა და ჯანდაცვის სისტემა ადამიანის ნაადრევ გარდაცვალებას მხოლოდ 10%-ში".
