ისრაელის ექსპრემიერი: პუტინი დამპირდა, რომ ზელენსკის არ მოკლავდა
ისრაელის ყოფილი პრემიერ მინისტრი - რომელიც რუსეთის უკრაინასთან ომის დაწყების პერიოდში, მცირე ხნით, შუამავლის ფუნქციას ასრულებდა - აცხადებს, რომ რუსეთის პრეზიდენტისგან, ვლადიმირ პუტინისგან მიიღო პირობა, რომ ის არ მოკლავდა უკრაინის პრეზიდენტს, ვოლოდიმირ ზელენსკის.
ყოფილი პრემიერ-მინისტრი, ნაფტალი ბენეტი ომის პირველ კვირებში მოულოდნელი შუამავალი გახდა, შარშან მარტში მოსკოვში განხორციელებული მოკლე ვიზიტისას ის პუტინს შეხვდა.
ბენეტის განცხადებები ნათელს ჰფენს კულუარებში მიმდინარე დიპლომატიურ ძალისხმევას და ზომებს, რომლებიც მოქმედებაში იყო კონფლიქტის სწრაფად დასრულების მიზნით, ომის დაწყების პირველ პერიოდში.