თალიბანის ბრძანებით ქალები უნივერსიტეტებში მისაღებ გამოცდებზე აღარ დაიშვებიან
ავღანეთში 40 საჯარო და 150 კერძო უნივერსიტეტი მოქმედებს. ავღანეთის უნივერსიტეტებში მომდევნო მისაღები გამოცდები თებერვლის ბოლოს უნდა ჩატარდეს.
მანამდე, 2022 წლის დეკემბერში, ავღანეთში უკვე შეჩერდა უკვე ჩარიცხული სტუდენტების უნივერსიტეტებში დაშვება. თალიბანის მთავრობამ ასევე აუკრძალა ქალებს არასამთავრობო ორგანიზაციებში (მათი რაოდენობა 180-ია) მუშაობა. ამ აკრძალვის გამო გაერომ ქვეყანაში ჰუმანიტარული პროგრამების ნაწილი შეაჩერა.
საერთაშორისო თანამეგობრობა მკაცრად გმობს ავღანეთში ქალთა უფლებების დარღვევას თალიბანის მოძრაობის ხელისუფლებაში მოსვლის შემდეგ. უცხოეთის მთავრობებმა, მათ შორის შეერთებულმა შტატებმა, განაცხადეს, რომ თალიბანმა უნდა შეცვალოს თავისი პოლიტიკა ქალთა განათლების მიმართ მანამ, ვიდრე ქვეყნები შეძლებენ თალიბანის ადმინისტრაციის ოფიციალურად აღიარების განხილვას. ევროკავშირის დიპლომატიური უწყების ხელმძღვანელმა ჟოზეფ ბორელმა გენდერულ შევიწროებას "კაცობრიობის წინააღმდეგ ჩადენილი დანაშაული" უწოდა."
2021 წლის აგვისტოში ხელისუფლებაში მოსვლის შემდეგ, თალიბანმა მალევე დაიწყო ქალთა უფლებების პატივისცემის მხრივ მიცემულ დაპირება. 2021 წლის სექტემბერში მათ შეცვალეს წესები და უნივერსიტეტებში მამაკაცები და ქალები ვალდებულნი გახდნენ ცალკე ესწავლათ. ისლამისტებმა ასევე მოახდინეს 20 წლის განმავლობაში არსებული ქალთა საქმეთა სამინისტროს ლიკვიდაცია, გოგონებისთვის სასკოლო განათლების ხელმისაწვდომობა შეზღუდეს, ქალებს სპორტის თამაში აუკრძალეს, ტელეწამყვანები ვალდებულნი გახდნენ, რომ ჰიჯაბი ატარონ.
მოძრაობა "თალიბანი" მსოფლიოს მრავალ ქვეყანაში, მათ შორის რუსეთშიც, ტერორისტულ მოძრაობად არის აღიარებული, მაგრამ რუსეთის ხელისუფლება თალიბანთან კონტაქტებს ოფიციალურ დონეზე ინარჩუნებს.