ვგლოვობ ჩემს საუკეთესო მეგობარს - სააკაშვილი კიკაბიძეზე

დაპატიმრებული ექსპრეზიდენტი, მიხეილ სააკაშვილი, რომელიც ახლა კლინიკა "ვივამედშია", მსახიობ ბუბა კიკაბიძის გარდაცვალებას გამოეხმაურა. 


"ვგლოვობ ჩემს საუკეთესო მეგობარს", - ეს პოსტი მის ფეისბუქ გვერდზე გავრცელდა. 




ქართველი კინომსახიობისა და მომღერლის, 84 წლის ბუბა კიკაბიძის გარდაცვალებაზე ინფორმაცია დღეს, 15 იანვარს გავრცელდა.




ბუბა კიკაბიძეს მონაწილეობა აქვს მიღებული არაერთ ცნობილ ქართულ საბჭოთა ფილმში, მათ შორისაა "მიმინო“ (1977), "არ დაიდარდო" (1969), "ვერის უბნის მელოდიები" (1973) და სხვა. იგი, ასევე ენმ-ს სიის პირველი ნომერი და მე-10 მოწვევის პარლამენტის დეპუტატი იყო.