ირანის ერთ-ერთ უდიდეს ნავთობგადამამუშავებელ ქარხანაში მძლავრი ხანძარი გაჩნდა
დაახლოებით 20 საათი დასჭირდა მძლავრი ხანძრის ჩაქრობას ირანის ერთ-ერთ უდიდეს ნავთობგადამამუშავებელ ქარხანაში, რომელიც თეირანის მახლობლად მდებარეობს.
ირანის ეროვნული სამაშველო სამსახურის წარმომადგენლის, მოჯტაბა ჰალედის თანახმად, ხანძრის შედეგად დაშავდა 11 ადამიანი, მათ შორის ხანძრის ჩაქრობაზე მომუშავე 9 მაშველი.
თეირანის განაპირას დასახლებულ კვარტლების სიახლოვეს 1968 წლიდან მდებარე ნავთობგადამამუშევებელი ქარხანა დღეში დაახლოებით 250 000 ბარელ ნედლ ნავთობს ამუშავებს.
ირანის საწარმოებში ხშირდა ხდება უბედური შემთხვევები.
23 მაისს ცენტრალურ ირანში მდებარე ასაფეთქებელი ნივთიერების ქარხანაში მომხდარი აფეთქების შედეგად ცხრა ადამიანი დაშავდა.