Марҳилаи ниҳоии Ҷоми ФФТ 11-уми феврал шуруъ мешавад
Марҳилаи ниҳоии Ҷоми Федератсияи футболи Тоҷикистон (ФФТ)-2021 аз 11-ум то 20-уми феврал дар варзишгоҳҳои марказии шаҳрҳои Душанбе ва Ҳисор баргузор мешавад. Дар ин бора сомонаи ФФТ хабар додааст.
Ба иттилои манбаъ, дар қисми ниҳоии Ҷоми ФФТ-2021 ҳафт дастаи беҳтарин аз рӯи натиҷагирии марҳилаи муқаддамотии мусобиқа дар се минтақа – Душанбе, Суғд ва Хатлон - ширкат меварзад.
Бар асоси қуръакашӣ, ки 8-уми феврал дар дафтари ФФТ доир гардид, ба гурӯҳи «А» дастаҳои ССКА (Душанбе), «Равшан» (Кӯлоб), «Мастчоҳ» (Мастчоҳ) ва «Истиқлол» (Душанбе) ва ба гурӯҳи «Б» тимҳои «Барқчӣ» (Ҳисор), «Хатлон» (Бохтар), «Регар-ТадАЗ» (Турсунзода) дохил шуданд.
Тибқи низомномаи Ҷоми ФФТ-2021, аз рӯи натиҷагирии сабқати гурӯҳӣ аз ҳар гурӯҳ дудастаӣ ба нимфинал роҳ меёбанд. Бозии ниҳоӣ рӯзи 20-уми феврал ба нақша гирифта шудааст.
Дар даври аввали марҳилаи ниҳоии мусобиқа, ки рӯзи панҷшанбе, 11-уми феврал, доир мегардад, се бозӣ миёни дастаҳои ССКА – «Истиқлол», «Равшан» – «Мастчоҳ» ва «Барқчӣ» – «Хатлон» баргузор мешавад.
Бояд тазаккур дод, Ҷоми ФФТ аз соли 2012 барои бори даҳум сурат гирифтааст. Ҳамагӣ чаҳор даста ин Ҷомро ба даст овардааст. “Истиқлол”-и Душанбе панҷ бор, «Регар-ТадАЗ»-и Турсунзода ду бор, “Хайр”-и Ваҳдат ва “Кӯктош”-и Рӯдакӣ якборӣ барандаи Ҷоми ФФТ гардидаанд.
Ҷоми ФФТ-2021. Марҳилаи ниҳоӣ
Гурӯҳи «А»
ССКА (Душанбе)
«Равшан» (Кӯлоб)
«Мастчоҳ» (Мастчоҳ)
«Истиқлол» (Душанбе)
Гурӯҳи «Б»
«Барқчӣ» (Ҳисор)
«Хатлон» (Бохтар)
«Регар-ТадАЗ» (Турсунзода)
Тақвими бозиҳо
Даври 1-ум
11-уми феврал (панҷшанбе)
Гурӯҳи «А»
ССКА – «Истиқлол»
«Равшан» – «Мастчоҳ»
Гурӯҳи «Б»
«Барқчӣ» – «Хатлон»
Даври 2-юм
13-уми феврал (шанбе)
Гурӯҳи «А»
«Истиқлол» – «Мастчоҳ»
ССКА – «Равшан»
Гурӯҳи «Б»
«Регар-ТадАЗ» – «Хатлон»
Даври 3-юм
15-уми феврал (душанбе)
Гурӯҳи «А»
«Равшан» – «Истиқлол»
«Мастчоҳ» – ССКА
Гурӯҳи «Б»
«Барқчӣ» – «Регар-ТадАЗ»