ნატო-ს საგარეო საქმეთა მინისტრები ბუქარესტში შეხვედრის შემდეგ ერთობლივ განცხადებას ავრცელებენ, რომელშიც საქართველოს მხარდაჭერაზეც არის საუბარი
ნატო-ს საგარეო საქმეთა მინისტრები ბუქარესტში შეხვედრის შემდეგ ერთობლივ განცხადებას ავრცელებენ, რომელშიც საქართველოს მხარდაჭერაზეც არის საუბარი.
განცხადების თანახმად, ნატო ხელახლა ადასტურებს 2008 წლის ბუქარესტის სამიტზე საქართველოსა და უკრაინასთან დაკავშირებით მიღებულ გადაწყვეტილებებს.
“ალიანსისთვის დასავლეთ ბალკანეთისა და შავი ზღვის რეგიონების სტრატეგიული მნიშვნელობის გათვალისწინებით, მივესალმებით ჩვენს შეხვედრას ნატოს პარტნიორების – ბოსნია და ჰერცეგოვინას, საქართველოსა და მოლდოვას რესპუბლიკის – საგარეო საქმეთა მინისტრებთან, იმის გათვალისწინებით, რომ ნატო მხარდაჭერას აძლიერებს მათი მთლიანობისა და გამძლეობისთვის, შესაძლებლობების განვითარებისთვის და მათი პოლიტიკური დამოუკიდებლობის დასაცავად.
ჩვენ მტკიცე ერთგულებას ვინარჩუნებთ ალიანსის ღია კარის პოლიტიკისადმი. ჩვენ ხელახლა ვადასტურებთ 2008 წლის ბუქარესტის სამიტზე მიღებულ გადაწყვეტილებას და საქართველოსა და უკრაინისადმი ყველა შემდგომ მიღებულ გადაწყვეტილებას”, – წერია საერთო განცხადებაში.