მედია: G20-ის სამიტზე რუსეთის დელეგაცია პუტინის ნაცვლად ლავროვი უხელმძღვანელებს
რუსეთის პრეზიდენტი ვლადიმერ პუტინი ბალიში G20-ის სამიტზე არ გაემგზავრება, რუსეთის დელეგაციას საგარეო საქმეთა მინისტრი სერგეი ლავროვი უხელმძღვანელებს, – ამის შესახებ კრემლის პრესსპიკერმა დმიტრი პესკოვმა განაცხადა.
„გადაწყდა, რომ რუსეთს G20-ის სამიტზე სერგეი ლავროვი წარადგენს“, – განაცხადა პესკოვმა.
პესკოვის განცხადებამდე ინდონეზიის პრეზიდენტი ჯოკო ვიდოდო ამბობდა, რომ პუტინი შესაძლოა, G20-ის ლიდერების სამიტს ვირტუალურად დასწრებოდა.
ცნობისთვის, ინდონეზიის კუნძულ ბალიზე G20-ის სამიტი 15-16 ნოემბერს გაიმართება.