მაესტრო ვახტანგ მაჭავარიანს 70 წელი შეუსრულდა
0
მსოფლიოში აღიარებულ ქართველ მაესტროს 70 წელი შეუსრულდა. ვახტანგ მაჭავარიანმა საკუთარი იუბილეს აღნიშვნა კლასიკური მუსიკის საღამოთი გადაწყვიტა, რომელშიც მონაწილეობას დირიჟორის გარდა, ოპერისა და ბალეტის სიმფონიური ორკესტრი და სოლისტები მიიღებენ. ოპერის სცენაზე დაგეგმილია მაჭავარიანის ახალი ნაწარმოებების შესრულებაც, თუმცა მსმენელს საშუალება ექნება ვაგნერის შემოქმედებასაც მოუსმინოს.
დიდმა მაესტრომ მსოფლიოს უდიდეს საოპერო სცენებზე ასობით კონცერტი ჩაატარა. ვახტანგ მაჭავარიანის შემოქმედებას მსმენელმა საორკესტრო მაგია ჯერ კიდევ წლების წინ უწოდა, ამ მაგიის კიდევ ერთხელ მოსმენა კი ქართველ მსმენელს ხვალ ოპერის სცენიდან შეეძლება.