ვინ არის რუსი ბიზნესმენი დერიპასკა, რომელსაც ბჟანია სოხუმის აეროპორტს გადასცემს – “ვიღაცებს ანკესი იმაზე ღრმად აქვთ გადაგდებული აფხაზეთში, ვიდრე ეს ზედაპირზე ჩანდა”

ოკუ­პი­რე­ბულ აფხა­ზეთ­ში ბიჭ­ვინ­თის სა­ხელ­მწი­ფო აგა­რა­კე­ბის რუ­სე­თის­თვის გა­და­ცე­მის გარ­შე­მო ატე­ხილ­მა აჟი­ო­ტაჟ­მა ად­გი­ლობ­რი­ვი ე.წ. ხელ­მძღვა­ნე­ლო­ბა ვერ შე­ა­ჩე­რა. ად­გი­ლობ­რი­ვი მე­დი­ის ცნო­ბით, ამ­ჯე­რად სო­ხუ­მის აე­რო­პორ­ტის ჯერი დად­გა, რომ­ლი­თაც რუსი ბიზ­ნეს­მე­ნი, პუ­ტინ­თან და­ახ­ლო­ე­ბუ­ლი ოლი­გარ­ქი ოლეგ დე­რი­პას­კა და­ინ­ტე­რეს­და.

АПСНЫПРЕСС-ის ცნო­ბით, რო­მე­ლიც ე.წ. პრე­ზი­დენტ ბჟა­ნი­ას პო­ზი­ცი­ის გამ­ხმო­ვა­ნე­ბე­ლია, წერს, რომ რუ­სე­თის სა­კუთ­რე­ბა­ში გა­და­დის აე­რო­პორ­ტის მთა­ვა­რი ობი­ექ­ტე­ბი, აფხა­ზურ მხა­რეს მხო­ლოდ აე­რო­პორ­ტის მი­სას­ვლე­ლი გზა და ელექტრო­ე­ნერ­გი­ის გა­მა­ნა­წი­ლე­ბე­ლი პუნ­ქტი რჩე­ბა. და­ნარ­ჩე­ნი ე.წ. “ინ­ვეს­ტო­რებ­მა” და რუ­სე­თის ფე­დე­რა­ცი­ამ გა­ი­ნა­წი­ლეს.

აფხა­ზე­ბის თქმით, უკ­რა­ი­ნის ომის ფონ­ზე გან­ვი­თა­რე­ბულ­მა პრო­ცე­სებ­მა ბჟა­ნი­ას ინ­ტე­რე­სე­ბი აშ­კა­რად წარ­მო­ა­ჩი­ნა. მას ერ­თა­დერ­თი მი­ზა­ნი აქვს – არ დათ­მოს ხე­ლი­სუფ­ლე­ბა არაფ­რის ფა­სად და შე­ი­ნარ­ჩუ­ნოს ძა­ლა­უფ­ლე­ბა, თუნ­დაც რე­გი­ო­ნის რუ­სე­თის­თვის ჩა­ბა­რე­ბის ხარ­ჯზე…

­ლურ ქსე­ლებ­ში.

• რუსი მი­ლი­არ­დე­რი დე­რი­პას­კა პრე­ზი­დენტ ვლა­დი­მირ პუ­ტინ­თან მჭიდ­რო კავ­ში­რე­ბით არის ცნო­ბი­ლი. მის სა­კუთ­რე­ბა­შია რუ­სე­თის ალუ­მი­ნის მომ­პო­ვე­ბე­ლი უმ­სხვი­ლე­სი კომ­პა­ნია Rusal-ის 45%-იანი წილი. მას ასე­ვე წი­ლე­ბი აქვს ნავ­თო­ბის ბიზ­ნეს­ში. რუსი მაგ­ნა­ტის ქო­ნე­ბას Forbes 4 მი­ლი­არდ დო­ლა­რად აფა­სებს. ის რუ­სეთ­ში ერთ-ერთი უმ­დიდ­რე­სი ადა­მი­ა­ნია. 2018 წლი­დან იმ­ყო­ფე­ბა აშშ-ის ეკო­ნო­მი­კუ­რი სან­ქცი­ე­ბის ქვეშ.

მას შემ­დეგ რაც რუ­სე­თი უკ­რა­ი­ნას თავს და­ეს­ხა, დე­რი­პას­კამ სო­ცი­ა­ლუ­რი ქსე­ლის თა­ვის გვერ­დზე ომი გა­აპ­რო­ტეს­ტა.

“ის რაც ახლა უკ­რა­ი­ნა­ში ხდე­ბა სი­გი­ჟეა. მშვი­დო­ბა ძა­ლი­ან მნიშ­ვნე­ლო­ვა­ნია! სი­გი­ჟეა სამ­შვი­დო­ბო მო­ლა­პა­რა­კე­ბე­ბის გა­ჭი­ა­ნუ­რე­ბა!” – წერ­და დე­რი­პას­კა ტე­ლეგ­რამ-ის პოს­ტში.

მა­შინ დე­რი­პას­კას­თან ერ­თად ომის შე­წყვე­ტის მო­წო­დე­ბე­ბი გა­ა­კე­თეს მი­ხა­ილ ფრიდ­მან­მა, პი­ოტრ ავენ­მა, ოლეგ ტინ­კოვ­მა და ალექ­სეი მორ­და­შოვ­მა – ასე­ვე მი­ლი­არ­დე­რებ­მა, რო­მელ­თაც და­სავ­ლეთ­მა სან­ქცი­ე­ბი და­უ­წე­სა.

• აფხა­ზუ­რი მე­დია წერს, რომ დე­რი­პას­კას რუ­სე­თის სა­გა­რეო საქ­მე­თა მი­ნის­ტრი სერ­გეი ლავ­რო­ვი მფარ­ვე­ლობს, შე­სა­ბა­მი­სად, მისი ოჯა­ხის წევ­რე­ბი და ნა­თე­სა­ვე­ბი დე­რი­პას­კას იახ­ტე­ბით, თვითმფრი­ნა­ვე­ბი­თა და ხუთ­ვარ­სკვლა­ვი­ა­ნი სას­ტუმ­რო­ე­ბით სარ­გებ­ლო­ბენ.

გა­სულ კვი­რას, ოკუ­პი­რე­ბულ აფხა­ზეთ­ში რუ­სე­თის ეკო­ნო­მი­კის მი­ნის­ტრი იმ­ყო­ფე­ბო­და, რო­მელ­მაც სო­ხუ­მის აე­რო­პორ­ტის აღ­სად­გე­ნად და­წყე­ბუ­ლი სა­მუ­შა­ო­ე­ბი და­ათ­ვა­ლი­ე­რა. ბჟა­ნია გა­მუდ­მე­ბით ახ­სე­ნებს მო­სახ­ლე­ო­ბას თა­ვის პი­რო­ბას, რომ მო­მა­ვა­ლი წლის ბო­ლოს­თვის სო­ხუ­მის აე­რო­პორ­ტი უნდა ამუ­შავ­დეს…

abkhaz-auto.ru-ს ცნო­ბით, 11 აგ­ვის­ტოს სო­ხუმ­ში რუ­სე­თი­სა და აფხა­ზე­თის ეკო­ნო­მი­კის მი­ნის­ტრებს შო­რის გა­მარ­თულ შეხ­ვედ­რა­ზე სო­ხუ­მის ვლა­დის­ლავ არ­ძინ­ბას სა­ხე­ლო­ბის აე­რო­პორ­ტის აღ­დგე­ნის თემა გა­ნი­ხი­ლეს, ოღონდ შემ­დე­გი პი­რო­ბე­ბით – მისი რე­ა­ლი­ზა­ცი­ის პი­რო­ბე­ბი, ასე­ვე თვითმფრი­ნა­ვის ასაფ­რენ-და­საფ­რე­ნი ბი­ლი­კე­ბის მარ­თვის უფ­ლე­ბა, სა­ჰა­ე­რო მოქ­მე­დე­ბე­ბის ობი­ექ­ტე­ბი, ენერ­გოკ­ვე­ბის წყა­რო, კავ­ში­რის, უსაფრ­თხო­ე­ბი­სა და სხვა სის­ტე­მე­ბი, აფხა­ზეთს რჩე­ბა.

“თუმ­ცა, სხვა კომ­პლექ­სე­ბის აღ­დგე­ნა-რე­ა­ლი­ზა­ცია თა­ვის თავ­ზე აიღო რუ­სულ­მა მხა­რემ. აფხა­ზე­თის ეკო­ნო­მი­კის სა­მი­ნის­ტროს გან­ცხა­დე­ბით, ეს არის ერ­თობ­ლი­ვი პრო­ექ­ტი, დე­ტა­ლუ­რად გათ­ვლი­ლი მიზ­ნე­ბით” – წერს გა­მო­ცე­მა.

აფხა­ზე­ბის ნა­წი­ლის თქმით, ვიდ­რე აე­რო­პორ­ტი არ აღ­დგე­ბა და იქი­დან თვითმფრი­ნა­ვი არ აფ­რინ­დე­ბა, არ და­ი­ჯე­რე­ბენ, რომ ამ ობი­ექტს არ ეშ­ვე­ლე­ბა.

“დე­რი­პას­კა მსოფ­ლი­ოს განგსტე­რებს უწევს წი­ნა­აღ­მდე­გო­ბას, აბა იმ მი­ლი­ო­ნებს პა­ტი­ო­სა­ნი შრო­მით ვერ და­აგ­რო­ვებ­და და პა­ტა­რა აფხა­ზე­თის მმარ­თვე­ლი გუნ­დის ჩაყ­ლაპ­ვა რა გა­უხ­და… რაც დროს გა­დის, უფრო და უფრო სა­შიშ ზო­ნა­ში შევ­დი­ვართ. ასე მგო­ნია, რა­ღა­ცე­ბი უკვე გა­ყი­დუ­ლია და უბ­რა­ლოდ, თან­და­თან გვე­უბ­ნე­ბი­ან…”, – წერს ად­გი­ლობ­რი­ვი ლა­რი­სა ავი­ძ­ბა.

“ჯერ ყვე­ლა­ნი აღ­ვშფოთ­დით, მერე ტუ­რის­ტუ­ლი სე­ზო­ნი გა­ხურ­და და მიგ­ვა­ვი­წყდა, მა­თაც ეს უნ­დათ… კრი­ტი­კუ­ლი წე­რი­ლის გამო, პრე­ზი­დენ­ტის ად­მი­ნის­ტრა­ცი­ის ხელ­მძღვა­ნე­ლი ალ­ხაზ კვი­ცი­ა­ნი გა­ა­თა­ვი­სუფ­ლეს, რო­მე­ლიც ბჟა­ნი­ას უახ­ლო­ეს გუნ­დის წევ­რად ით­ვლე­ბო­და. ასე მგო­ნია, მთა­ვა­რი წარ­მოდ­გე­ნა ახლა იწყე­ბა. ჩვენ კი, მხო­ლოდ მა­ყუ­რებ­ლე­ბი ვართ” – მი­აჩ­ნია იან ხა­ჯიმ­ბას.