ანრი ოხანაშვილი: თეორიულად შესაძლებელია ცესკოს თავმჯდომარის არჩევის წესზე ოდესღაც ვიმსჯელოთ, მაგრამ დღეს ეს საკითხი არ განიხილება
თეორიულად შესაძლებელია ცესკოს თავმჯდომარის არჩევის წესზე ოდესღაც ვიმსჯელოთ, მაგრამ დღეს ეს საკითხი არ განიხილება, – აღნიშნული განცხადება ჟურნალისტებთან პარლამენტის იურიდიულ საკითხთა კომიტეტის თავმჯდომარემ ანრი ოხანაშვილმა გააკეთა.
ოხანაშვილმა ხაზგასმით აღნიშნა, რომ ამ ეტაპზე გუნდის შიგნით ცესკოს თავმჯდომარის არჩევის წესთან დაკავშირებით რაიმე სახის საკანონმდებლო ცვლილებაზე საუბარი არ მიმდინარეობს.
„არსებობს წესი, როდესაც პრეზიდენტი ცესკოს თავმჯდომარეობის და წევრობის კანდიდატებს პარლამენტს ასარჩევად წარუდგენს და შემდგომ პარლამენტი იღებს გადაწყვეტილებას. აღნიშნული წესი ძალაში რჩება და ამ ეტაპზე არ განიხილება, რომ წესი შესაძლოა, მსჯელობის საგანი გახდეს. თეორიულად ნებისმიერი წესის შეცვლა არის შესაძლებელი. თეორიულად შესაძლებელია ოდესღაც ვიმსჯელოთ – დღეს ეს საკითხი არ განიხილება”, – განაცხადა ანრი ოხანაშვილმა.