მეტეორიტში ბრილიანტის აქამდე უცნობი კრისტალური სტრუქტურა აღმოაჩინეს
უძველესი მეტეორიტის შიგნით, ბრილიანტების შესწავლისას, მეცნიერებმა აღმოაჩინეს უცნაური, ერთმანეთში გადახლართული მიკროსკოპული სტრუქტურა, რომელიც აქამდე არასდროს უნახავთ. მკვლევარების თქმით, სტრუქტურას, გრაფიტისა და ალმასის ურთიერთდაკავშირებულ ფორმას, აქვს უნიკალური თვისებები, რომლებიც ერთ დღეს შეიძლება გამოყენებულ იქნას სუპერსწრაფი დამუხტვის ან ახალი ტიპის ელექტრონიკის შესაქმნელად.
ალმასის სტრუქტურა აღმოაჩინეს Canyon Diablo-ს მეტეორიტის შიგნით, რომელიც დედამიწას შეეჯახა 50 000 წლის წინ და პირველად ნაპოვნი იქნა არიზონაში 1891 წელს. ამ მეტეორიტის ბრილიანტები არ არის ისეთი სახეობის, როგორსაც ადამიანები იცნობენ. ყველაზე გავრცელებული ბრილიანტები წარმოიქმნება დედამიწის ზედაპირის ქვეშ დაახლოებით 90 მილის (150 კილომეტრის) სიღრმეში, სადაც ტემპერატურა 2000 გრადუს ფარენჰეიტზე (1093 გრადუს ცელსიუსამდე) იზრდება. ნახშირბადის ატომები ამ ალმასებში განლაგებულია კუბურ ფორმებში.
ამის საპირისპიროდ, Canyon Diablo-ს მეტეორიტის შიგნით არსებული ბრილიანტი ცნობილია, როგორც Lonsdaleite. იგი წარმოიქმნება მხოლოდ უკიდურესად მაღალი წნევისა და ტემპერატურის პირობებში, როდესაც ასტეროიდი დედამიწას ეჯახება უზარმაზარი სიჩქარით.
მეტეორიტში ლონსდალეიტის შესწავლისას მკვლევარებმა რაღაც უცნაური იპოვეს. სუფთა ექვსკუთხა სტრუქტურების ნაცვლად, რომლებსაც ისინი ელოდნენ, აღმოაჩინეს ნახშირბადზე დაფუძნებული სხვა მასალა, სახელწოდებით გრაფენი.
გრაფენი დამზადებულია ნახშირბადის ერთი ატომის სისქის ფურცლისგან, რომელიც განლაგებულია ექვსკუთხედებად. რაც შეეხება მასალის თვისებებს, გრაფენი ბუმბულივით მსუბუქი და ბრილიანტივით მყარია. ასევე გამჭვირვალე და გამტარუნარიანი. დაახლოებით, მილიონჯერ თხელი, ვიდრე ადამიანის თმა. როგორც მეცნიერები ამბობენ, მასალებზე დაკვირვება კვლავ გრძელდება. მომავალში ეს ნივთიერება, შესაძლოა, ფართო მიზნებისთვის იქნას გამოყენებული და ელექტრონული სისტემების განვითარებას შეუწყოს ხელი.
უცნაური ახალი სტრუქტურა აღწერილია 22 ივლისს ჟურნალში Proceedings of the National Academy of Sciences.
წყარო: livescience