გსურთ შექმნათ ყველა არგუმენტი, რომ საქართველოს ევროკავშირის წევრობის კანდიდატის სტატუსი არ მისცენ – კობახიძემ დაიწყო ბინძური ფსევდო პატრიოტიზმი
მისივე შეფასებით, ირაკლი კობახიძეს, ირაკლი ღარიბაშვილს და მთელ „ქართულ ოცნებას“ კოვზი ნაცარში ჩაუვარდა, როდესაც „ალდემ“ ოპოზიციური პარტიების ინიციატივით, საქართველოსთვის ევროკავშირის წევრობის კანდიდატის სტატუსი მინიჭებას მხარი დაუჭირა.
„მთელი მათი კამპანია იყო, რომ ოპოზიცია ებრძვის ევროკავშირის კანდიდატის სტატუსის მიღებას, ამას წერტილი დაესვა შაბათს, როდესაც „ალდემ“ სწორედ ჩვენი, ოპოზიციური პარტიების ინიციატივით მხარი დაუჭირა საქართველოსთვის ევროკავშირის წევრობის კანდიდატის სტატუსი მინიჭებას. EPP-მ დააინიცირა რეზოლუცია, სადაც ასევე მხარდაჭერილია ეს ყველაფერი. ამის გაგრძლებაა, რომ ევროპარლამენტის ფრაქციების ხელმძღვანელებმა მხარი დაუჭირეს და გააქვთ რეზოლუცია, რომელიც მხარს უჭერს საქართველოსთვის, უკრაინისთვის და მოლდოვისთვის ევროკავშირის კანდიდატის სტატუსის მინიჭებას.
კობახიძემ დაიწყო ბინძური ფსევდო პატრიოტიზმი, ეს არ არის საქართველოს ეროვნული იდენტობა და ინტერესები. ჩვენ გვჭირდება ევროპა, რას აკეთებთ ამ დროს თქვენ? არც ერთი განცხადება „ქართული ოცნების“ მეგობარი ფრაქციიდან – სოციალ-დემოკრატებიდან არ ყოფილა, თქვენ პირიქით თავს ესხმით ჩვენს ევროპელ პარტნიორებს და ყველა გულშემატკივარს. გსურთ ყველა არგუმენტი შექმნათ, რომ საქართველოს არ მისცენ ევროკავშირის წევრობის კანდიდატის სტატუსი, თქვენ ეს არ გამოგივათ, ამის უფლებას არ მოგცემთ, თქვენ საქართველოს ისტორიას ვერ გააყალბებთ“, – აღნიშნა გიორგი ვაშაძემ.