პანდემიის დასასრულის დასაწყისი – გაერთიანებული სამეფო და აშშ ხვალიდან მასობრივი იმუნიზაციის პროცედურებს იწყებენ
პანდემიის დასასრულის დასაწყისი – მსოფლიო საზოგადოება covid -19-ის ვაქცინაციის პირველი ეტაპის მოლოდინშია. 8 დეკემბერს გაერთიანებული სამეფო და შეერთებული შტატები ოფიციალურად დაიწყებენ მასობრივ იმუნიზაციის პროცედურებს.
კომპანია “ფაიზერის” შექმნილი პრეპარატი, ბელგიიდან დიდ ბრიტანეთში უკვე ჩავიდა. ჯანდაცვის მსოფლიო ექსპერტები და ვირუსოლოგები ერთხმად აღნიშნავენ, რომ ვაქცინაციის პირველი ეტაპის შედეგებზე იქნება დამოკიდებული, როგორ გაგრძელდება პანდემიის წინააღმდეგ ბრძოლა. მოსახლეობის იმუნიზაციის პროცესი აქტიურად მიმდინარეობს რუსეთში, პერუსა და ინდოეთში. სამივე ქვეყანა რუსული წარმოების პრეპარატ სპუტნიკ ხუთს იყენებს.
“ჩვენ პირველი ქვეყანა ვართ, რომელიც შეძლებს მიიღოს ვაქცინა, ეს ჩემთვის საამაყოა. პრეპარატი მინუს 70 გრადუსზე ინახება, რის გამოც ვაქცინის ხელში დიდი ხნით დაჭერა წარმოუდგენელია. ამჟამად მიმდინარეობს საავადმყოფოების საბოლოო შემოწმება, რის შემდეგაც პრიორიტეტული ჯგუფების ვაქცინაცია დაიწყება,” – განაცხადა CROYDON HEALTH SERVICE-ის მთავარი ფარმაცევტმა ლუის ქაგლინიმ.