Летась сітуацыя з пажарамі была напружанай
Пра гэта паведамляюць ратавальнікі.
У мінулым годзе сітуацыя з пажарамі была напружанай, – паведамляюць ратавальнікі. У 2023 годзе ў краіне адбылося амаль 5700 пажараў, у выніку якіх загінула 529 чалавек і яшчэ 536 атрымалі рознай цяжкасці траўмаванні.
У снежні на першае месца сярод прычын трагедый выйшла няспраўнасць электрычнай сеткі ці яе перагрузка. Былы ратавальнік адзначае, што звычайна ігнаруюцца вельмі простыя правілы бяспекі:
– Глядзець, каб абсталяванне было спраўнае, не перагружаць сеткі, ні ў якім разе не карыстайцеся трайнікамі. У адну разетку ўключайце адзін спажывальнік, гэта таксама заклад бяспекі.
На жаль, пажар – гэта дастаткова аб’ёмная бяда. Калі пажар адбываецца ў адным памяшканні, як правіла, пакутуюць і суседнія кватэры, суседнія дамы. Гэта ўжо праверана часам.
Паводле афіцыйных дадзеных, колькасць побытавых пажараў рэзка павялічваецца ў марозныя дні, а такія чакаюцца на праваслаўныя Каляды. Таму грамадзянаў заклікаюць быць асцярожнымі і ўважлівымі пры ацяпленні жылля.
Беларускае Радыё Рацыя
Фота з адкрытых крыніц