Պեսկով. «Արցախի ճանաչման օրինագիծը Մոսկվայի հետ չի քննարկվել»
Նրա խոսքով՝ այդ օրինագիծը Մոսկվայի հետ չի քննարկվել:
«Ոչ, դա Մոսկվայի հետ չի քննարկվել: Մենք մեծ ուշադրությամբ հետեւում ենք այն որոշումներին, որոնք ընդունվում են այս համատեքստում: Մենք շարունակում ենք հույս ունենալ, որ հակամարտության կողմերը կխուսափեն քայլերից, որոնք կարող են խախտել փխրուն հրադադարը եւ հանգեցնել Ղարաբաղում լարվածության ավելացմանը»,- մեջբերում է Պեսկովի խոսքը ՏԱՍՍ-ը:
ՀՀ կառավարությունն այսօր հավանություն է տվել «Արցախի Հանրապետությունը ճանաչելու մասին» ՀՀ օրենքի նախագծի վերաբերյալ կառավարության եզրակացության նախագծին, որը սահմանված կարգով կներկայացվի Ազգային ժողով: