ՊԵԿ նախագահ է նշանակվել Հովհաննես Հովսեփյանը

Նախագահի մեկ այլ հրամանագրով Հովաննես Հովսեփյանը նշանակվել է Պետական եկամուտների կոմիտեի նախագահ:

Հիշեցնենք, որ մարտի 1-ին նախագահը հրամանագիր էր ստորագրել ՀՀ ֆինանսների նախարարությունը վերակազմակերպելու մասին՝ դրանից առանձնացնելով Պետական եկամուտների կոմիտեն:

Հովհաննես Հովսեփյանը ծնվել է 1973թ. հունվարի 28-ին:

1990-1995 թթ. սովորել է ԵՊՀ իրավաբանական ֆակուլտետում, 1996-1998 թթ.՝ ՌԴ Նախագահին առընթեր պետական ծառայության ռուսաստանյան ակադեմիայում:

2002-2003 թթ.  եղել է ՌԴ Նախագահին առընթեր պետական ծառայության ռուսաստանյան ակադեմիայի հայցորդ։

2003թ. ստացել է իրավաբանական գիտությունների թեկնածուի գիտական աստիճան։ 10 գիտական հոդվածների հեղինակ է։

1996-2002 թթ. ՀՀ նախագահի աշխատակազմի իրավաբանական բաժնում եղել է առաջին կարգի մասնագետ, առաջատար մասնագետ, պետաիրավական վարչության գլխավոր մասնագետ, խորհրդատու։

2002-2006 թթ. եղել է ՀՀ նախագահի աշխատակազմի կադրերի վարչության պետը:

2003-2004 թթ. դասավանդել է ՀՀ պետական կառավարման ակադեմիայում։

2006թ. մարտից 2007թ. փետրվարը ղեակավարել է «Ալյանս» խորհրդատվական կենտրոնը:

2007թ. փետրվարից 2007թ. դեկտեմբերը եղել է ՀՀ տարածքային կառավարման նախարարի խորհրդական։

2007-2008 թթ. զբաղեցրել է ՀՀ տարածքային կառավարման նախարարի տեղակալի պաշտոնը:

2008թ. մայիսի 23-ին նշանակվել էր ՀՀ նախագահի վերահսկողական ծառայության ղեկավար։