ԵՏՄ-ից քաղաքացիների կողմից ներկրվող մեքենաներն ԱԱՀ-ով չեն հարկվի
ՀՀ վարչապետ Հովիկ Աբրահամյանը նշել է, որ օրենքով նախատեսված էր ֆիզիկական անձանաց կողմից ԵՏՄ-ից ներկրվող մեքենաների համար ԱԱՀ-ով հարկում չիրականացնել 2017-ից, սակայն, հաշվի առնելով վերջին շրջանում խնդրի քննարկման մասսայականությունը, ՀՀ նախագահի հետ որոշել են վերանայել ոլորտը կարգավորող օրենսդրությունն ու կրճատել օրենքի ուժի մեջ մտնելու ժամկետը:
«ԵՏՄ համար խնդիրը նոր չէ. անցումային նման սահմանափակում ունեցել է նաեւ Ղազախստանը: Վերջին մեկ տարում ՀՀ-ն ակտիվ քննարկումներ է ունեցել ԵՏՄ երկրների իր գործընկերների հետ՝ առեւտրի հիմնական խոչընդոտ հանդիսացող ԱԱՀ մեխանիզմների վերացման ուղղությամբ»,-ասել է վարչապետը:
Համապատասխան որոշման նախագիծը կառավարության կողմից ընդունվել ու ճանաչվել է անհետաձգելի՝ համապատասխան գերատեսչություններին երկու օր ժամանակ տալով վերջնական կարգավորումների հստակեցման համար: