Էրմիտաժը կվերականգնի հնագիտական արշավախումբը Հայաստանում
«Մեր հայ գործընկերների հետ արդեն պայմանավորվել ենք Կարմիր Բլուրի հայտնի արշավախմբի վերականգնման վերաբերյալ, որը ղեկավարում էր Բորիս Բորիսովիչ Պիոտրովսկին (Էրմիտաժի տնօրենը 1964-1990 թթ.): Նոր թանգարանը նախատեսվում է կառուցել նույն տեղում՝ Թեյշեբաինի ամրոցին կից հին գերեզմանոցի վայրում։ Մինչ այս հին գերեզմանոցը կպեղվի, կծածկվի ապակով, իսկ վերեւում կկառուցվի թանգարան։ Դա կիրականացնի ռուս-հայկական համատեղ արշավախումբը»,- ՏԱՍՍ-ը մեջբերում է Էրմիտաժի գլխավոր տնօրեն Միխայիլ Պիոտրովսկիի խոսքերը։
2023 թվականի մայիսին Էրմիտաժի եւ Էրեբունի արգելոց-թանգարանի միջեւ կնքվել էր համագործակցության պայմանագիր։
Այս տարվա փետրվարի 15-ին Էրմիտաժում բացվել է «Էրեբունու անկյուն» ցուցահանդեսը, որը կգործի մեկ տարի։ Այն ներկայացնում է ցուցանմուշներ Էրեբունի արգելոց-թանգարանից։
Էրմիտաժում կա Ուրարտուի մշտական ցուցադրության սրահ՝ նվիրված Բորիս Պիոտրովսկու հիշատակին, ով ղեկավարել էր Թեյշեբաինի ամրոցի պեղումները 1939-1971 թվականներին։
«Մեր հայ գործընկերների հետ արդեն պայմանավորվել ենք Կարմիր Բլուրի հայտնի արշավախմբի վերականգնման վերաբերյալ, որը ղեկավարում էր Բորիս Բորիսովիչ Պիոտրովսկին (Էրմիտաժի տնօրենը 1964-1990 թթ.): Նոր թանգարանը նախատեսվում է կառուցել նույն տեղում՝ Թեյշեբաինի ամրոցին կից հին գերեզմանոցի վայրում։ Մինչ այս հին գերեզմանոցը կպեղվի, կծածկվի ապակով, իսկ վերեւում կկառուցվի թանգարան։ Դա կիրականացնի ռուս-հայկական համատեղ արշավախումբը»,- ՏԱՍՍ-ը մեջբերում է Էրմիտաժի գլխավոր տնօրեն Միխայիլ Պիոտրովսկիի խոսքերը։
2023 թվականի մայիսին Էրմիտաժի եւ Էրեբունի արգելոց-թանգարանի միջեւ կնքվել էր համագործակցության պայմանագիր։
Այս տարվա փետրվարի 15-ին Էրմիտաժում բացվել է «Էրեբունու անկյուն» ցուցահանդեսը, որը կգործի մեկ տարի։ Այն ներկայացնում է ցուցանմուշներ Էրեբունի արգելոց-թանգարանից։
Էրմիտաժում կա Ուրարտուի մշտական ցուցադրության սրահ՝ նվիրված Բորիս Պիոտրովսկու հիշատակին, ով ղեկավարել էր Թեյշեբաինի ամրոցի պեղումները 1939-1971 թվականներին։