Միրզոյան. Հավասարության նշանն Ադրբեջանն ընկալել է իբրեւ խրախուսանք
Այս մասին նա ասել է Հայաստանում հավատարմագրված դիվանագիտական ներկայացուցչությունների ղեկավարների հետ հանդիպմանը:
«Ակնհայտ է, որ այս գործողություններին նախորդել են ամիսներ շարունակ Ադրբեջանի իշխանությունների կողմից շատ հստակ հայատյաց, քսենոֆոբիկ, ագրեսիվ հայտարարությունները, ուժի կիրառման անթաքույց սպառնալիքները, ՀՀ տարածքի նկատմամբ ոտնձգությունները, նկրտումները, հավակնությունները, ինչպես նաեւ, այսպես կոչված, «միջանցքային տրամաբանությունը»․ միջանցք ունենալու հայտարարությունները, այդ թվում՝ ուժի կիրառմամբ միջանցք վերցնելու վերաբերյալ ուղղակի հայտարարությունները»,- նշել է Արարատ Միրզոյանը:
Նրա խոսքով՝ Ադրբեջանի վարքագիծը հետեւանք է այն բանի, որ միջազգային գործընկերները եւ միջազգային հանրությունն առհասարակ, պատշաճ եւ հասցեական չեն արձագանքել Ադրբեջանի կողմից ուժի կիրառմանը դեռ անցած տարի Լեռնային Ղարաբաղի դեմ սեպտեմբերի 27-ին սկսված ագրեսիայի ժամանակ, եւ այնուհետ՝ նաեւ այս ամիսների ընթացքում:
«Մեր համոզմամբ, բոլոր նշածս սադրիչ, ագրեսիվ հայտարարություններին եւ գործողություններին միջազգային հանրության արձագանքը չի եղել հասցեական եւ պատշաճ: Կողմերի միջեւ հավասարության նշան դնող շարունակական հայտարարություններն Ադրբեջանի կողմից ուղղակիորեն ընկալվել են իբրեւ խրախուսանք՝ շարունակելու այդ վարքագիծը: Մենք ակնկալում ենք, որ մեր գործընկեր ու բարեկամ երկրներն անհապաղ եւ հասցեական կարձագանքեն այս գործողություններին եւ կկիրառեն իրենց անմիջական ազդեցությունն Ադրբեջանի վրա՝ հորդորելու դադարեցնել սադրիչ գործողությունները եւ ոտնձգությունները Հայաստանի Հանրապետության նկատմամբ»,- ասել է ԱԳ նախարարը:
Նախարարը տեղեկացրել է, որ ՄԱԿ-ի կանոնադրության եւ բոլոր երկկողմ ու բազմակողմ պայմանագրերի շրջանակներում ՀՀ-ն իրեն իրավունք է վերապահում պաշտպանելու իր տարածքային ամբողջականությունը եւ ինքնիշխանությունը: Եվ այս պահից սկսած իրավիճակի հետագա լարման ողջ պատասխանատվությունն ուղղակիորեն ընկնում է Ադրբեջանի վրա.
«Մեր համոզմամբ՝ Ադրբեջանը, լարվածությունը տեղափոխելով Հայաստան-Ադրբեջան սահմանագիծ, Հայաստանի Հանրապետության տարածք, փորձում է շեղել միջազգային հանրության ուշադրությունը Լեռնային Ղարաբաղի հիմնախնդրից: Եվս մեկ անգամ ընդգծեմ, որ Հայաստանը պաշտպանելու է ինչպես իր տարածքային ամբողջականությունը, այնպես էլ Լեռնային Ղարաբաղի հայերի ինքնորոշման իրավունքը»:
Այս մասին նա ասել է Հայաստանում հավատարմագրված դիվանագիտական ներկայացուցչությունների ղեկավարների հետ հանդիպմանը:
«Ակնհայտ է, որ այս գործողություններին նախորդել են ամիսներ շարունակ Ադրբեջանի իշխանությունների կողմից շատ հստակ հայատյաց, քսենոֆոբիկ, ագրեսիվ հայտարարությունները, ուժի կիրառման անթաքույց սպառնալիքները, ՀՀ տարածքի նկատմամբ ոտնձգությունները, նկրտումները, հավակնությունները, ինչպես նաեւ, այսպես կոչված, «միջանցքային տրամաբանությունը»․ միջանցք ունենալու հայտարարությունները, այդ թվում՝ ուժի կիրառմամբ միջանցք վերցնելու վերաբերյալ ուղղակի հայտարարությունները»,- նշել է Արարատ Միրզոյանը:
Նրա խոսքով՝ Ադրբեջանի վարքագիծը հետեւանք է այն բանի, որ միջազգային գործընկերները եւ միջազգային հանրությունն առհասարակ, պատշաճ եւ հասցեական չեն արձագանքել Ադրբեջանի կողմից ուժի կիրառմանը դեռ անցած տարի Լեռնային Ղարաբաղի դեմ սեպտեմբերի 27-ին սկսված ագրեսիայի ժամանակ, եւ այնուհետ՝ նաեւ այս ամիսների ընթացքում:
«Մեր համոզմամբ, բոլոր նշածս սադրիչ, ագրեսիվ հայտարարություններին եւ գործողություններին միջազգային հանրության արձագանքը չի եղել հասցեական եւ պատշաճ: Կողմերի միջեւ հավասարության նշան դնող շարունակական հայտարարություններն Ադրբեջանի կողմից ուղղակիորեն ընկալվել են իբրեւ խրախուսանք՝ շարունակելու այդ վարքագիծը: Մենք ակնկալում ենք, որ մեր գործընկեր ու բարեկամ երկրներն անհապաղ եւ հասցեական կարձագանքեն այս գործողություններին եւ կկիրառեն իրենց անմիջական ազդեցությունն Ադրբեջանի վրա՝ հորդորելու դադարեցնել սադրիչ գործողությունները եւ ոտնձգությունները Հայաստանի Հանրապետության նկատմամբ»,- ասել է ԱԳ նախարարը:
Նախարարը տեղեկացրել է, որ ՄԱԿ-ի կանոնադրության եւ բոլոր երկկողմ ու բազմակողմ պայմանագրերի շրջանակներում ՀՀ-ն իրեն իրավունք է վերապահում պաշտպանելու իր տարածքային ամբողջականությունը եւ ինքնիշխանությունը: Եվ այս պահից սկսած իրավիճակի հետագա լարման ողջ պատասխանատվությունն ուղղակիորեն ընկնում է Ադրբեջանի վրա.
«Մեր համոզմամբ՝ Ադրբեջանը, լարվածությունը տեղափոխելով Հայաստան-Ադրբեջան սահմանագիծ, Հայաստանի Հանրապետության տարածք, փորձում է շեղել միջազգային հանրության ուշադրությունը Լեռնային Ղարաբաղի հիմնախնդրից: Եվս մեկ անգամ ընդգծեմ, որ Հայաստանը պաշտպանելու է ինչպես իր տարածքային ամբողջականությունը, այնպես էլ Լեռնային Ղարաբաղի հայերի ինքնորոշման իրավունքը»: