5/10/15. Երեւանի նոր քաղաքապետը, Էշթոնի այցը, «վատագույն սցենարը»
Մենք ապրում ենք հասարակությունում, որի շատ անդամներ այլեւս իրենց կյանքն առանց Ֆեյսբուքի ու այնտեղ իրենց կարծիքը հայտնելու չի պատկերացնում: Միգուցե, դա ունի որոշակի առավելություններ: Իսկ թերությունն է այն, որ այս կամ այն բուռն քննարկման մասնակիցները չեն հիշում, կամ էլ ընդհանրապես չգիտեն, թե ինչ է եղել Հայաստանում, օրինակ, 5, 10 կամ 15 տարի առաջ:
Այդ բացը լրացնելու ցանկությամբ Մեդիամաքս-ը վարում է 5/10/15 խորագիրը, որն ամեն շաբաթ ներկայացնում է իրադարձությունները, որոնք տեղի էին ունենում Հայաստանում 5, 10 եւ 15 տարի առաջ:
• 15 ՏԱՐԻ ԱՌԱՋ. 2006 ԹՎԱԿԱՆԻ ՆՈՅԵՄԲԵՐԻ 15-21
«Պատվախնդիր փաստաթուղթը»
Նոյեմբերի 16-ին Հայաստանի նախագահ Ռոբերտ Քոչարյանն ասել էր, որ Եվրոպական Հարեւանության Քաղաքականության շրջանակներում Հայաստանի Գործողությունների ծրագիրը «պատվախնդիր փաստաթուղթ է» եւ «մեր նոր ճանապարհային քարտեզը` բարեփոխումները շարունակելու համար»։
Ելույթ ունենալով գերմանական Բերթելսման հիմնադրամում, Ռոբերտ Քոչարյանը կարծիք էր հայտնել, որ Գործողությունների ծրագիրը հնարավորություն կտա նաեւ ակտիվացնել Հայաստանի եւ ԵՄ անդամ-երկրների միջեւ երկկողմ հարաբերությունները:
Քոչարյանը նշել էր նաեւ, որ ՆԱՏՕ-ի հետ Հայաստանի Անհատական գործընկերության գործողությունների ծրագիրը (ԱԳԳԾ) հիմք է հանդիսանում ՆԱՏՕ-ի հետ «երկարաժամկետ ինստիտուցիոնալ համագործակցության համար»։
Կրկին առաջարկել է Թուրքիային
Նոյեմբերի 16-ին Հայաստանի նախագահ Ռոբերտ Քոչարյանը հայտարարել էր, որ Հայաստանի առաջարկը` ստեղծել հայ-թուրքական միջկառավարական հանձնաժողով բոլոր վիճելի խնդիրները քննարկելու համար, ուժի մեջ է:
Հայաստանի նախագահը հիշեցրել էր, որ առաջարկել էր ստեղծել միջկառավարական հանձնաժողով 2005թ. գարնանը, պատասխանելով Թուրքիայի վարչապետի առաջարկին` ստեղծել պատմաբանների համատեղ հանձնաժողով: Ըստ Ռոբերտ Քոչարյանի, պատմաբանները չեն կարող պատասխանատվություն կրել երկկողմանի հարաբերությունների համար, քանի որ այն կրում են կառավարությունները:
«Սակայն միջկառավարական հանձնաժողովում կարող են լինել ենթախմբեր, որոնցից մեկում կարող են համատեղ աշխատել երկու երկրների պատմաբանները»,- ասել էր Հայաստանի նախագահը:
• 10 ՏԱՐԻ ԱՌԱՋ. 2011 ԹՎԱԿԱՆԻ ՆՈՅԵՄԲԵՐԻ 15-21
Տարոն Մարգարյանը Երեւանի նոր քաղաքապետն է
Նոյեմբերի 15-ին Երեւանի ավագանու անդամները միաձայն մայրաքաղաքի նոր քաղաքապետ էին ընտրել Տարոն Մարգարյանին։
Նոյեմբերի 18-ին տեղի էր ունեցել Երեւանի նորընտիր քաղաքապետ Տարոն Մարգարյանի երդմնակալության արարողությունը:
Հայաստանի նախագահ Սերժ Սարգսյանը շնորհավորել էր Տարոն Մարգարյանին՝ մաղթելով հաջողություն եւ հաստատակամություն, եւ շնորհակալություն էր հայտնել նախորդ քաղաքապետ Կարեն Կարապետյանին, ով, ըստ նախագահի, իր կարճ պաշտոնավարման ընթացքում «հասցրել է իր հետքը թողնել Երեւանի պատմության մեջ»:
Քեթրին Էշթոնի այցը
Նոյեմբերի 16-ին Հայաստանի նախագահ Սերժ Սարգսյանը ընդունել էր Եվրոպական Միության արտաքին գործերի եւ անվտանգության քաղաքականության հարցերով Բարձր Ներկայացուցիչ Քեթրին Էշթոնին:
Երկրի ղեկավարը նշել էր, որ Հայաստանը կարեւորում է ԵՄ հետ հարաբերությունների ամրապնդումն ու շարունակական խորացումը: «Մեր նպատակը շատ հստակ է, եւ բազմաթիվ անգամ հայտարարել ենք, որ Հայաստանի ապագան տեսնում ենք որպես եվրոպական չափանիշներով կառուցված բարեկեցիկ երկիր եւ հաստատուն գնալու ենք այդ ճանապարհով»,- ասել էր նախագահը:
Վարչապետ Տիգրան Սարգսյանի հետ հանդիպման ժամանակ Քեթրին Էշթոնն ասել էր, որ Եվրամիության հետ Հայաստանի խորը եւ համապարփակ ազատ առեւտրի համաձայնագրի ստորագրման բանակցություններն առաջիկայում կմտնեն նոր փուլ:
«Մենք պատրաստ ենք օգնել Հայաստանին տնտեսական առաջընթացի ապահովման համար, որին էապես կարող է նպաստել Խորը եւ համապարփակ ազատ առեւտրի համաձայնագրի ստորագրումը, որի շուրջ բանակցությունների գործընթացն առաջիկայում կմտնի նոր փուլ»,- ասել էր Էշթոնը:
Հայաստանի եւ ԵՄ-ի միջեւ Ասոցացման համաձայնագիրը, որի մաս էր կազմում խորը եւ համապարփակ ազատ առեւտրի գոտու մասին համաձայնագիրը, չստորագրվեց. Հայաստանը անդամակցեց Եվրասիական տնտեսական միությանը։
• 5 ՏԱՐԻ ԱՌԱՋ. 2016 ԹՎԱԿԱՆԻ ՆՈՅԵՄԲԵՐԻ 15-21
«Վատագույն սցենարը»
Նոյեմբերի 17-ին Հայաստանի նախագահ Սերժ Սարգսյանն ասել էր, որ «մենք հավերժ պատերազմ չենք ցանկանում, սակայն եթե Բաքվի ղեկավարությունը կրկին փորձի ճակատագրի հետ խաղալ, ապա թող պատրաստվի վատագույն սցենարին»:
«Այդ դեպքում որեւէ մեկին չեն կարողանա մեղադրել քաղաքների եւ շրջանների կորստի համար: Բաքվում պետք է գիտակցեն՝ ուժային լուծումն իրենց մոտ չի ստացվելու», - ասել էր նախագահը՝ պատասխանելով «Գոլոս Արմենիի» թերթի հարցին:
«Ադրբեջանի ղեկավարության քաղաքականությունը առաջացրել է թերլիարժեքության եւ պարտվածի բարդույթներ: Եվ բնական է, որ ադրբեջանական իշխանություններն օգտագործում են ցանկացած առիթ այդ բարդույթներից ազատվելու համար՝ անգամ ստի, ապատեղեկատվության եւ իրականության խեղաթյուրման ճանապարհով: Նրանք միշտ պնդել են, որ Ադրբեջանը Հայաստանից ուժեղ է, որ իրենք ունեն ժամանակակից սպառազինություններ եւ նավթադոլարներ, որոնք օգտագործելով, կարող են ցանկացած պահին գրավել Լեռնային Ղարաբաղը: Ապրիլյան պատերազմի ընթացքում առճակատվելով հակառակ իրականության հետ, Ադրբեջանի ղեկավարությունը հիմա ստիպված է արդարացնել մարդկային եւ ռազմա-տեխնիկական կորուստները», - ասել էր Սերժ Սարգսյանը:
Արա Թադեւոսյան
Մենք ապրում ենք հասարակությունում, որի շատ անդամներ այլեւս իրենց կյանքն առանց Ֆեյսբուքի ու այնտեղ իրենց կարծիքը հայտնելու չի պատկերացնում: Միգուցե, դա ունի որոշակի առավելություններ: Իսկ թերությունն է այն, որ այս կամ այն բուռն քննարկման մասնակիցները չեն հիշում, կամ էլ ընդհանրապես չգիտեն, թե ինչ է եղել Հայաստանում, օրինակ, 5, 10 կամ 15 տարի առաջ:
Այդ բացը լրացնելու ցանկությամբ Մեդիամաքս-ը վարում է 5/10/15 խորագիրը, որն ամեն շաբաթ ներկայացնում է իրադարձությունները, որոնք տեղի էին ունենում Հայաստանում 5, 10 եւ 15 տարի առաջ:
• 15 ՏԱՐԻ ԱՌԱՋ. 2006 ԹՎԱԿԱՆԻ ՆՈՅԵՄԲԵՐԻ 15-21
«Պատվախնդիր փաստաթուղթը»
Նոյեմբերի 16-ին Հայաստանի նախագահ Ռոբերտ Քոչարյանն ասել էր, որ Եվրոպական Հարեւանության Քաղաքականության շրջանակներում Հայաստանի Գործողությունների ծրագիրը «պատվախնդիր փաստաթուղթ է» եւ «մեր նոր ճանապարհային քարտեզը` բարեփոխումները շարունակելու համար»։
Ելույթ ունենալով գերմանական Բերթելսման հիմնադրամում, Ռոբերտ Քոչարյանը կարծիք էր հայտնել, որ Գործողությունների ծրագիրը հնարավորություն կտա նաեւ ակտիվացնել Հայաստանի եւ ԵՄ անդամ-երկրների միջեւ երկկողմ հարաբերությունները:
Քոչարյանը նշել էր նաեւ, որ ՆԱՏՕ-ի հետ Հայաստանի Անհատական գործընկերության գործողությունների ծրագիրը (ԱԳԳԾ) հիմք է հանդիսանում ՆԱՏՕ-ի հետ «երկարաժամկետ ինստիտուցիոնալ համագործակցության համար»։
Կրկին առաջարկել է Թուրքիային
Նոյեմբերի 16-ին Հայաստանի նախագահ Ռոբերտ Քոչարյանը հայտարարել էր, որ Հայաստանի առաջարկը` ստեղծել հայ-թուրքական միջկառավարական հանձնաժողով բոլոր վիճելի խնդիրները քննարկելու համար, ուժի մեջ է:
Հայաստանի նախագահը հիշեցրել էր, որ առաջարկել էր ստեղծել միջկառավարական հանձնաժողով 2005թ. գարնանը, պատասխանելով Թուրքիայի վարչապետի առաջարկին` ստեղծել պատմաբանների համատեղ հանձնաժողով: Ըստ Ռոբերտ Քոչարյանի, պատմաբանները չեն կարող պատասխանատվություն կրել երկկողմանի հարաբերությունների համար, քանի որ այն կրում են կառավարությունները:
«Սակայն միջկառավարական հանձնաժողովում կարող են լինել ենթախմբեր, որոնցից մեկում կարող են համատեղ աշխատել երկու երկրների պատմաբանները»,- ասել էր Հայաստանի նախագահը:
• 10 ՏԱՐԻ ԱՌԱՋ. 2011 ԹՎԱԿԱՆԻ ՆՈՅԵՄԲԵՐԻ 15-21
Տարոն Մարգարյանը Երեւանի նոր քաղաքապետն է
Նոյեմբերի 15-ին Երեւանի ավագանու անդամները միաձայն մայրաքաղաքի նոր քաղաքապետ էին ընտրել Տարոն Մարգարյանին։
Նոյեմբերի 18-ին տեղի էր ունեցել Երեւանի նորընտիր քաղաքապետ Տարոն Մարգարյանի երդմնակալության արարողությունը:
Հայաստանի նախագահ Սերժ Սարգսյանը շնորհավորել էր Տարոն Մարգարյանին՝ մաղթելով հաջողություն եւ հաստատակամություն, եւ շնորհակալություն էր հայտնել նախորդ քաղաքապետ Կարեն Կարապետյանին, ով, ըստ նախագահի, իր կարճ պաշտոնավարման ընթացքում «հասցրել է իր հետքը թողնել Երեւանի պատմության մեջ»:
Քեթրին Էշթոնի այցը
Նոյեմբերի 16-ին Հայաստանի նախագահ Սերժ Սարգսյանը ընդունել էր Եվրոպական Միության արտաքին գործերի եւ անվտանգության քաղաքականության հարցերով Բարձր Ներկայացուցիչ Քեթրին Էշթոնին:
Երկրի ղեկավարը նշել էր, որ Հայաստանը կարեւորում է ԵՄ հետ հարաբերությունների ամրապնդումն ու շարունակական խորացումը: «Մեր նպատակը շատ հստակ է, եւ բազմաթիվ անգամ հայտարարել ենք, որ Հայաստանի ապագան տեսնում ենք որպես եվրոպական չափանիշներով կառուցված բարեկեցիկ երկիր եւ հաստատուն գնալու ենք այդ ճանապարհով»,- ասել էր նախագահը:
Վարչապետ Տիգրան Սարգսյանի հետ հանդիպման ժամանակ Քեթրին Էշթոնն ասել էր, որ Եվրամիության հետ Հայաստանի խորը եւ համապարփակ ազատ առեւտրի համաձայնագրի ստորագրման բանակցություններն առաջիկայում կմտնեն նոր փուլ:
«Մենք պատրաստ ենք օգնել Հայաստանին տնտեսական առաջընթացի ապահովման համար, որին էապես կարող է նպաստել Խորը եւ համապարփակ ազատ առեւտրի համաձայնագրի ստորագրումը, որի շուրջ բանակցությունների գործընթացն առաջիկայում կմտնի նոր փուլ»,- ասել էր Էշթոնը:
Հայաստանի եւ ԵՄ-ի միջեւ Ասոցացման համաձայնագիրը, որի մաս էր կազմում խորը եւ համապարփակ ազատ առեւտրի գոտու մասին համաձայնագիրը, չստորագրվեց. Հայաստանը անդամակցեց Եվրասիական տնտեսական միությանը։
• 5 ՏԱՐԻ ԱՌԱՋ. 2016 ԹՎԱԿԱՆԻ ՆՈՅԵՄԲԵՐԻ 15-21
«Վատագույն սցենարը»
Նոյեմբերի 17-ին Հայաստանի նախագահ Սերժ Սարգսյանն ասել էր, որ «մենք հավերժ պատերազմ չենք ցանկանում, սակայն եթե Բաքվի ղեկավարությունը կրկին փորձի ճակատագրի հետ խաղալ, ապա թող պատրաստվի վատագույն սցենարին»:
«Այդ դեպքում որեւէ մեկին չեն կարողանա մեղադրել քաղաքների եւ շրջանների կորստի համար: Բաքվում պետք է գիտակցեն՝ ուժային լուծումն իրենց մոտ չի ստացվելու», - ասել էր նախագահը՝ պատասխանելով «Գոլոս Արմենիի» թերթի հարցին:
«Ադրբեջանի ղեկավարության քաղաքականությունը առաջացրել է թերլիարժեքության եւ պարտվածի բարդույթներ: Եվ բնական է, որ ադրբեջանական իշխանություններն օգտագործում են ցանկացած առիթ այդ բարդույթներից ազատվելու համար՝ անգամ ստի, ապատեղեկատվության եւ իրականության խեղաթյուրման ճանապարհով: Նրանք միշտ պնդել են, որ Ադրբեջանը Հայաստանից ուժեղ է, որ իրենք ունեն ժամանակակից սպառազինություններ եւ նավթադոլարներ, որոնք օգտագործելով, կարող են ցանկացած պահին գրավել Լեռնային Ղարաբաղը: Ապրիլյան պատերազմի ընթացքում առճակատվելով հակառակ իրականության հետ, Ադրբեջանի ղեկավարությունը հիմա ստիպված է արդարացնել մարդկային եւ ռազմա-տեխնիկական կորուստները», - ասել էր Սերժ Սարգսյանը:
Արա Թադեւոսյան