Փաշինյան-Օվերչուկ հանդիպում՝ գլխավորը
Հանդիպման մասին կառավարության մամուլի ծառայության հաղորդագրությունից առանձնացրել ենք ամենակարեւորը:
Կոնկրետ լուծումների հույսը
Նիկոլ Փաշինյանն ասել է, որ բարձր է գնահատում Ռուսաստանի, Հայաստանի եւ Ադրբեջանի փոխվարչապետերի համանախագահությամբ եռակողմ աշխատանքային հանձնաժողովի աշխատանքը եւ հույս է հայտնել, որ «մեզ ի վերջո կհաջողվի հանգել կոնկրետ լուծումների»:
Ադրբեջանը փորձում է պարտադրել
«Հայաստանը հավատարիմ է նոյեմբերի 9-ի եւ հունվարի 11-ի հայտարարություններին, որոնք վերաբերում են տարածաշրջանում բոլոր տրանսպորտային եւ տնտեսական կապերի ապաշրջափակմանը: Բայց ցանկանում եմ ընդգծել, որ Ադրբեջանի կողմից հնչող հայտարարությունները, որոնք վերաբերում են միջանցքներին, բացասական են ազդում մեր աշխատանքի արդյունավետության եւ մթնոլորտի վրա, հատկապես հաշվի առնելով, որ մեր եռակողմ հայտարարություններում միջանցքների մասին որեւէ խոսք չկա: Իմ տպավորությունն այն է, որ Ադրբեջանը փորձում է պարտադրել իր ընկալումները հանձնաժողովին եւ դա, իհարկե, անընդունելի է մեզ համար», - ասել է ՀՀ վարչապետը:
Հայաստանի դիրքորոշումը
«Հայաստանը հետաքրքրված է տարածաշրջանային տրանսպորտային եւ տնտեսական ենթակառուցվածքների բացմամբ ու ապաշրջափակմամբ:
Հայաստանը պետք է ստանա ավտոմոբիլային եւ երկաթուղային հաղորդակցության ուղիներ Ադրբեջանի տարածքով, Ադրբեջանը պետք է ստանա երկաթուղային եւ ավտոմոբիլային հաղորդակցության ուղիներ Հայաստանի տարածքով, այդ թվում՝ Ադրբեջանը Նախիջեւանի Ինքնավար Հանրապետությանը կապող:
Ի՞նչ ենք մենք առաջարկում. երկաթուղային կապերը, որոնք գոյություն են ունեցել Խորհրդային Միության ժամանակաշրջանում, պետք է վերականգնվեն եւ ավտոմոբիլային ճանապարհները, որոնք գոյություն են ունեցել Խորհրդային Միության ժամանակաշրջանում, այդ թվում՝ Նախիջեւանի Ինքնավար Հանրապետությունն Ադրբեջանի հետ կապող, դրանք նույնպես պետք է վերականգնվեն»,- նշել է Փաշինյանը:
Տարատեսակ տարբերակներ
Ալեքսեյ Օվերչուկն ասել է, որ առ այսօր փոխվարչապետերի աշխատանքային խմբի 8 հանդիպում է անցկացվել՝ 4-ը առկա ռեժիմում, մյուս չորսը՝ տեսակապի միջոցով:
«Միաժամանակ, գրեթե ամեն օր շփվում ենք հեռախոսով, քննարկում ենք տարատեսակ տարբերակներ, որպեսզի գտնենք ավելի օպտիմալ եւ բոլոր կողմերի համար առավել ընդունելի երթուղիներ: Աշխատել են նաեւ ճանապարհաշինության ոլորտի փորձագետներ, որոնք հետազոտել են ճանապարհները: Այսօր ունենք շատ լավ պատկերացումներ, թե իրականում ինչպիսին է ճանապարհների վիճակը: Հենվելով այդ տվյալների վրա՝ հոկտեմբերի 22-ին անցկացրած համատեղ աշխատանքային խմբի 8-րդ նիստից հետո, մեզ թվում է, կհանգենք կոնկրետ լուծումների: Դրանք առաջին հերթին հիմնվում են նրա վրա, որ ճանապարհների ինքնիշխանությունը մնում է այն երկրների իրավասությանը, որոնց տարածքով դրանք անցնում են:
Նաեւ Դուք հիշատակեցիք, եւ դա նույնպես հայտարարությունների մեջ է, այն մասին, որպեսզի բոլոր տեսակի հսկողություններն իրականացվեն: Մենք պայմանավորվել ենք, որ այդպիսի հսկողություն պետք է իրականացվի հավասարության հիմունքներով, դա նույնպես քննարկել ենք, այդ թվում՝ այն մասին, թե ինչպես, ինչից պետք է սկսել ավտոմոբոլիային ենթակառուցվածքների ապաշրջափակումը: Ցանկանում ենք Ձեզ հետ այսօր դա քննարկել եւ մտածել, թե ինչպես շարժվել առաջ»:
Հանդիպման մասին կառավարության մամուլի ծառայության հաղորդագրությունից առանձնացրել ենք ամենակարեւորը:
Կոնկրետ լուծումների հույսը
Նիկոլ Փաշինյանն ասել է, որ բարձր է գնահատում Ռուսաստանի, Հայաստանի եւ Ադրբեջանի փոխվարչապետերի համանախագահությամբ եռակողմ աշխատանքային հանձնաժողովի աշխատանքը եւ հույս է հայտնել, որ «մեզ ի վերջո կհաջողվի հանգել կոնկրետ լուծումների»:
Ադրբեջանը փորձում է պարտադրել
«Հայաստանը հավատարիմ է նոյեմբերի 9-ի եւ հունվարի 11-ի հայտարարություններին, որոնք վերաբերում են տարածաշրջանում բոլոր տրանսպորտային եւ տնտեսական կապերի ապաշրջափակմանը: Բայց ցանկանում եմ ընդգծել, որ Ադրբեջանի կողմից հնչող հայտարարությունները, որոնք վերաբերում են միջանցքներին, բացասական են ազդում մեր աշխատանքի արդյունավետության եւ մթնոլորտի վրա, հատկապես հաշվի առնելով, որ մեր եռակողմ հայտարարություններում միջանցքների մասին որեւէ խոսք չկա: Իմ տպավորությունն այն է, որ Ադրբեջանը փորձում է պարտադրել իր ընկալումները հանձնաժողովին եւ դա, իհարկե, անընդունելի է մեզ համար», - ասել է ՀՀ վարչապետը:
Հայաստանի դիրքորոշումը
«Հայաստանը հետաքրքրված է տարածաշրջանային տրանսպորտային եւ տնտեսական ենթակառուցվածքների բացմամբ ու ապաշրջափակմամբ:
Հայաստանը պետք է ստանա ավտոմոբիլային եւ երկաթուղային հաղորդակցության ուղիներ Ադրբեջանի տարածքով, Ադրբեջանը պետք է ստանա երկաթուղային եւ ավտոմոբիլային հաղորդակցության ուղիներ Հայաստանի տարածքով, այդ թվում՝ Ադրբեջանը Նախիջեւանի Ինքնավար Հանրապետությանը կապող:
Ի՞նչ ենք մենք առաջարկում. երկաթուղային կապերը, որոնք գոյություն են ունեցել Խորհրդային Միության ժամանակաշրջանում, պետք է վերականգնվեն եւ ավտոմոբիլային ճանապարհները, որոնք գոյություն են ունեցել Խորհրդային Միության ժամանակաշրջանում, այդ թվում՝ Նախիջեւանի Ինքնավար Հանրապետությունն Ադրբեջանի հետ կապող, դրանք նույնպես պետք է վերականգնվեն»,- նշել է Փաշինյանը:
Տարատեսակ տարբերակներ
Ալեքսեյ Օվերչուկն ասել է, որ առ այսօր փոխվարչապետերի աշխատանքային խմբի 8 հանդիպում է անցկացվել՝ 4-ը առկա ռեժիմում, մյուս չորսը՝ տեսակապի միջոցով:
«Միաժամանակ, գրեթե ամեն օր շփվում ենք հեռախոսով, քննարկում ենք տարատեսակ տարբերակներ, որպեսզի գտնենք ավելի օպտիմալ եւ բոլոր կողմերի համար առավել ընդունելի երթուղիներ: Աշխատել են նաեւ ճանապարհաշինության ոլորտի փորձագետներ, որոնք հետազոտել են ճանապարհները: Այսօր ունենք շատ լավ պատկերացումներ, թե իրականում ինչպիսին է ճանապարհների վիճակը: Հենվելով այդ տվյալների վրա՝ հոկտեմբերի 22-ին անցկացրած համատեղ աշխատանքային խմբի 8-րդ նիստից հետո, մեզ թվում է, կհանգենք կոնկրետ լուծումների: Դրանք առաջին հերթին հիմնվում են նրա վրա, որ ճանապարհների ինքնիշխանությունը մնում է այն երկրների իրավասությանը, որոնց տարածքով դրանք անցնում են:
Նաեւ Դուք հիշատակեցիք, եւ դա նույնպես հայտարարությունների մեջ է, այն մասին, որպեսզի բոլոր տեսակի հսկողություններն իրականացվեն: Մենք պայմանավորվել ենք, որ այդպիսի հսկողություն պետք է իրականացվի հավասարության հիմունքներով, դա նույնպես քննարկել ենք, այդ թվում՝ այն մասին, թե ինչպես, ինչից պետք է սկսել ավտոմոբոլիային ենթակառուցվածքների ապաշրջափակումը: Ցանկանում ենք Ձեզ հետ այսօր դա քննարկել եւ մտածել, թե ինչպես շարժվել առաջ»: