5/10/15. Կապուտիկյանի մահը, Պերմյակովի դատավճիռը, Բայդենի դասը Էրդողանին
Մենք ապրում ենք հասարակությունում, որի շատ անդամներ այլեւս իրենց կյանքն առանց Ֆեյսբուքի ու այնտեղ իրենց կարծիքը հայտնելու չի պատկերացնում: Միգուցե, դա ունի որոշակի առավելություններ: Իսկ թերությունն է այն, որ այս կամ այն բուռն քննարկման մասնակիցները չեն հիշում, կամ էլ ընդհանրապես չգիտեն, թե ինչ է եղել Հայաստանում, օրինակ, 5, 10 կամ 15 տարի առաջ:
Այդ բացը լրացնելու ցանկությամբ Մեդիամաքս-ը վարում է 5/10/15 խորագիրը, որն ամեն շաբաթ ներկայացնում է իրադարձությունները, որոնք տեղի էին ունենում Հայաստանում 5, 10 եւ 15 տարի առաջ:
• 15 ՏԱՐԻ ԱՌԱՋ. 2006 ԹՎԱԿԱՆԻ ՕԳՈՍՏՈՍԻ 23-29
Կապուտիկյանի մահը
Օգոստոսի 25-ին՝ 87 տարեկան հասակում, մահացել էր Սիլվա Կապուտիկյանը՝ խորհրդային հայ պոեզիայի դասականը:
• 5 ՏԱՐԻ ԱՌԱՋ. 2006 ԹՎԱԿԱՆԻ ՕԳՈՍՏՈՍԻ 23-29
Պերմյակովի դատավճիռը
Գյումրիում Ավետիսյանների ընտանիքի 7 անդամների սպանության համար մեղադրվող ՌԴ 102-րդ բազայի զինծառայող Վալերի Պերմյակովն օգոստոսի 23-ին դատապարտվել էր ցմահ ազատազրկման։
«Բռնությունը անընդունելի է»
Օգոստոսի 27-ին Հայաստանի նախագահ Սերժ Սարգսյանն ասել էր, որ քաղաքական հարցերը բռնությամբ կամ զենքով լուծելն անընդունելի է:
«Հասարակության տարբեր խավեր, այդ թվում նաեւ երիտասարդության տարբեր շերտեր որեւէ երեւույթի նկատմամբ ունենում են տարբեր կարծիքներ, եւ սա շատ բնական է: Անընդունելին այն է, երբ քաղաքական պայքարի կամ այդպիսի վեճերի ընթացքում փորձում են հարցերը լուծել բռնությամբ կամ վատթարագույնը՝ զենքով», - ասել էր Սերժ Սարգսյանը «Բազե-2016» հավաքի մասնակիցների հետ հանդիպմանը:
«Այսպես ասած, հեղափոխական տրամադրությունները շատ պարագաներում բնորոշ են նաեւ երիտասարդներին, որովհետեւ այդ ռոմանտիզմը գալիս է նաեւ անփորձությունից: Սա միշտ պետք է հաշվի առնել: Քաղաքական պայքարը շատ նորմալ է, եւ մեր երիտասարդները մեկ անգամ չէ, որ հասարակության իրավունքների պաշտպանության համար դուրս են եկել քաղաքական պայքարի, այդ թվում նաեւ փողոցային: Սա նորմալ է: Աննորմալ է, երբ մարդիկ կամ կազմակերպություններ ու ծառայություններ փորձում են պղտորել մարդկանց գիտակցությունը, միտքը՝ ելնելով իրենց սեփական շահերից»,-նշել էր նախագահը:
Բայդենի դասը Էրդողանին
Օգոստոսի 24-ին պաշտոնական այցով Անկարա այցելած ԱՄՆ փոխնախագահ Ջո Բայդենը «ժողովրդավարության դաս» էր տվել Թուրքիայի նախագահ Ռեջեփ Էրդողանին:
Դա տեղի էր ունեցել նրանից հետո, երբ Թուրքիայի նախագահը հերթական անգամ բարձրացրել է իր ԱՄՆ-ում բնակվող Ֆետուլահ Գյուլենին արտահանձնելու թեման:
«Ամերիկայի ձայնի» հայկական ծառայությունը տարածել էր Բայդենի խոսքի այդ հատվածի տեսագրությունը, որը վկայում է, որ ԱՄՆ փոխնախագահը փաստացի «ժողովրդավարության դաս» էր տվել Էրդողանին՝ բացատրելով նրան, որ Ամերիկայում գործադիր ու դատական իշխանությունները տարանջատված են:
«Ենթադրում եմ, որ ձեր ժողովրդի համար դժվար է դա հասկանալ», - ասել էր Բայդենը:
Արա Թադեւոսյան
Մենք ապրում ենք հասարակությունում, որի շատ անդամներ այլեւս իրենց կյանքն առանց Ֆեյսբուքի ու այնտեղ իրենց կարծիքը հայտնելու չի պատկերացնում: Միգուցե, դա ունի որոշակի առավելություններ: Իսկ թերությունն է այն, որ այս կամ այն բուռն քննարկման մասնակիցները չեն հիշում, կամ էլ ընդհանրապես չգիտեն, թե ինչ է եղել Հայաստանում, օրինակ, 5, 10 կամ 15 տարի առաջ:
Այդ բացը լրացնելու ցանկությամբ Մեդիամաքս-ը վարում է 5/10/15 խորագիրը, որն ամեն շաբաթ ներկայացնում է իրադարձությունները, որոնք տեղի էին ունենում Հայաստանում 5, 10 եւ 15 տարի առաջ:
• 15 ՏԱՐԻ ԱՌԱՋ. 2006 ԹՎԱԿԱՆԻ ՕԳՈՍՏՈՍԻ 23-29
Կապուտիկյանի մահը
Օգոստոսի 25-ին՝ 87 տարեկան հասակում, մահացել էր Սիլվա Կապուտիկյանը՝ խորհրդային հայ պոեզիայի դասականը:
• 5 ՏԱՐԻ ԱՌԱՋ. 2006 ԹՎԱԿԱՆԻ ՕԳՈՍՏՈՍԻ 23-29
Պերմյակովի դատավճիռը
Գյումրիում Ավետիսյանների ընտանիքի 7 անդամների սպանության համար մեղադրվող ՌԴ 102-րդ բազայի զինծառայող Վալերի Պերմյակովն օգոստոսի 23-ին դատապարտվել էր ցմահ ազատազրկման։
«Բռնությունը անընդունելի է»
Օգոստոսի 27-ին Հայաստանի նախագահ Սերժ Սարգսյանն ասել էր, որ քաղաքական հարցերը բռնությամբ կամ զենքով լուծելն անընդունելի է:
«Հասարակության տարբեր խավեր, այդ թվում նաեւ երիտասարդության տարբեր շերտեր որեւէ երեւույթի նկատմամբ ունենում են տարբեր կարծիքներ, եւ սա շատ բնական է: Անընդունելին այն է, երբ քաղաքական պայքարի կամ այդպիսի վեճերի ընթացքում փորձում են հարցերը լուծել բռնությամբ կամ վատթարագույնը՝ զենքով», - ասել էր Սերժ Սարգսյանը «Բազե-2016» հավաքի մասնակիցների հետ հանդիպմանը:
«Այսպես ասած, հեղափոխական տրամադրությունները շատ պարագաներում բնորոշ են նաեւ երիտասարդներին, որովհետեւ այդ ռոմանտիզմը գալիս է նաեւ անփորձությունից: Սա միշտ պետք է հաշվի առնել: Քաղաքական պայքարը շատ նորմալ է, եւ մեր երիտասարդները մեկ անգամ չէ, որ հասարակության իրավունքների պաշտպանության համար դուրս են եկել քաղաքական պայքարի, այդ թվում նաեւ փողոցային: Սա նորմալ է: Աննորմալ է, երբ մարդիկ կամ կազմակերպություններ ու ծառայություններ փորձում են պղտորել մարդկանց գիտակցությունը, միտքը՝ ելնելով իրենց սեփական շահերից»,-նշել էր նախագահը:
Բայդենի դասը Էրդողանին
Օգոստոսի 24-ին պաշտոնական այցով Անկարա այցելած ԱՄՆ փոխնախագահ Ջո Բայդենը «ժողովրդավարության դաս» էր տվել Թուրքիայի նախագահ Ռեջեփ Էրդողանին:
Դա տեղի էր ունեցել նրանից հետո, երբ Թուրքիայի նախագահը հերթական անգամ բարձրացրել է իր ԱՄՆ-ում բնակվող Ֆետուլահ Գյուլենին արտահանձնելու թեման:
«Ամերիկայի ձայնի» հայկական ծառայությունը տարածել էր Բայդենի խոսքի այդ հատվածի տեսագրությունը, որը վկայում է, որ ԱՄՆ փոխնախագահը փաստացի «ժողովրդավարության դաս» էր տվել Էրդողանին՝ բացատրելով նրան, որ Ամերիկայում գործադիր ու դատական իշխանությունները տարանջատված են:
«Ենթադրում եմ, որ ձեր ժողովրդի համար դժվար է դա հասկանալ», - ասել էր Բայդենը:
Արա Թադեւոսյան