Փաշինյան․Սյունիքի մարզը կտրված չէ Հայաստանից
Երեւան: Մեդիամաքս: ՀՀ վարչապետ Նիկոլ Փաշինյանն այսօր անդրադարձել է ադրբեջանական զինծառայողների կողմից Սյունիքի մարզի Գորիսից Կապան միջպետական ճանապարհը փակելու հանգամանքին։
«Այն հատվածներում, որոնք Խորհրդային Միության քարտեզներով Խորհրդային Հայաստանի տարածքից դուրս են եղել՝ խոսքը 21 կմ հատվածի մասին է, այդ տեղերում ադրբեջանցիները ճանապարհը փակել են եւ պատճառաբանել, որ նախորդ գիշեր միջադեպ է տեղի ունեցել, հայկական կողմից մարդիկ դանակահարել են ադրբեջանցի սահմանապահներին։ Մենք պաշտոնապես ասում ենք, որ այս տեղեկությունն իրականությանը չի համապատասխանում։ Եթե Ադրբեջանը հիմնավորումներ ունի, ապա կոչ ենք անում, որ փոխանցի մեզ, որպեսզի մենք հետաքննենք։ Այն, ինչ տեղի է ունեցել, հակասում է ՊՆ 2020թ. հայտարարությանը, որում նշվում է, որ «Գորիս-Կապան 21 կմ երկարությամբ հատվածի ճանապարհը, որն անցնում է վիճարկելի տարածքով, կապահովվի ռուս սահմանապահների միջոցով»,- ասել է ՀՀ վարչապետը։
Նիկոլ Փաշինյանն ասել է, որ Սյունիքի մարզը Հայաստանից կտրված չէ:
«Կանխատեսել ենք, որ այսպիսի իրավիճակներ կարող են լինել, եւ այնպես ենք պլանավորել մեր աշխատանքները, որ տրանսպորտային երթեւեկությունը կարգավորենք եւ երաշխավորենք: Ռազմավարական առումով այդ հարցը լուծելու է Հյուսիս-Հարավ ճանապարհը, բայց ոչ ամբողջապես: Նաեւ Շուռնուխի եւ Որոտան համայնքների ճանապարհների լավարկման հետ կապված աշխատանք է սկսված, որը հիմա կարագացնենք»,- ասել է նա:
Նիկոլ Փաշինյանն ասել է, որ Ադրբեջանից հնչող հայտարարությունները Հայաստանի առաջ քաշած տարածաշրջանային խաղաղության օրակարգին հարվածելու եւ դրանից շեղելու նպատակ ունեն:
«Մեզ շատ պինդ նյարդեր են պետք, մենք չպետք է կարծենք, մի օրում, մի ժամում, 6-7 ամսում մեզ հաջողվելու է ստեղծել լիարժեք կայուն միջավայր: Հենց դրա համար էլ կառավարության ծրագրում գրված է առաջնային խնդիրը Հայաստանի եւ Արցախի շուրջ իրավիճակը կայունացնելն է: Սա նշանակում է՝ ահազանգ մարտահրավերների մասին, բայց պետք է հստակ արձանագրենք՝ առաջ ենք գնում խաղաղության օրակարգով: Մենք մեր զինված ուժերը բարեփոխում ենք ոչ թե տարածքներ նվաճելու, այլ իր ինքնիշխան տարածքը պաշտպանելու համար։ Մենք ագրեսիվ մտադրություններ չունենք մեր տարածաշրջանի որեւէ պետության հանդեպ»,- ասել է նա։
Երեւան: Մեդիամաքս: ՀՀ վարչապետ Նիկոլ Փաշինյանն այսօր անդրադարձել է ադրբեջանական զինծառայողների կողմից Սյունիքի մարզի Գորիսից Կապան միջպետական ճանապարհը փակելու հանգամանքին։
«Այն հատվածներում, որոնք Խորհրդային Միության քարտեզներով Խորհրդային Հայաստանի տարածքից դուրս են եղել՝ խոսքը 21 կմ հատվածի մասին է, այդ տեղերում ադրբեջանցիները ճանապարհը փակել են եւ պատճառաբանել, որ նախորդ գիշեր միջադեպ է տեղի ունեցել, հայկական կողմից մարդիկ դանակահարել են ադրբեջանցի սահմանապահներին։ Մենք պաշտոնապես ասում ենք, որ այս տեղեկությունն իրականությանը չի համապատասխանում։ Եթե Ադրբեջանը հիմնավորումներ ունի, ապա կոչ ենք անում, որ փոխանցի մեզ, որպեսզի մենք հետաքննենք։ Այն, ինչ տեղի է ունեցել, հակասում է ՊՆ 2020թ. հայտարարությանը, որում նշվում է, որ «Գորիս-Կապան 21 կմ երկարությամբ հատվածի ճանապարհը, որն անցնում է վիճարկելի տարածքով, կապահովվի ռուս սահմանապահների միջոցով»,- ասել է ՀՀ վարչապետը։
Նիկոլ Փաշինյանն ասել է, որ Սյունիքի մարզը Հայաստանից կտրված չէ:
«Կանխատեսել ենք, որ այսպիսի իրավիճակներ կարող են լինել, եւ այնպես ենք պլանավորել մեր աշխատանքները, որ տրանսպորտային երթեւեկությունը կարգավորենք եւ երաշխավորենք: Ռազմավարական առումով այդ հարցը լուծելու է Հյուսիս-Հարավ ճանապարհը, բայց ոչ ամբողջապես: Նաեւ Շուռնուխի եւ Որոտան համայնքների ճանապարհների լավարկման հետ կապված աշխատանք է սկսված, որը հիմա կարագացնենք»,- ասել է նա:
Նիկոլ Փաշինյանն ասել է, որ Ադրբեջանից հնչող հայտարարությունները Հայաստանի առաջ քաշած տարածաշրջանային խաղաղության օրակարգին հարվածելու եւ դրանից շեղելու նպատակ ունեն:
«Մեզ շատ պինդ նյարդեր են պետք, մենք չպետք է կարծենք, մի օրում, մի ժամում, 6-7 ամսում մեզ հաջողվելու է ստեղծել լիարժեք կայուն միջավայր: Հենց դրա համար էլ կառավարության ծրագրում գրված է առաջնային խնդիրը Հայաստանի եւ Արցախի շուրջ իրավիճակը կայունացնելն է: Սա նշանակում է՝ ահազանգ մարտահրավերների մասին, բայց պետք է հստակ արձանագրենք՝ առաջ ենք գնում խաղաղության օրակարգով: Մենք մեր զինված ուժերը բարեփոխում ենք ոչ թե տարածքներ նվաճելու, այլ իր ինքնիշխան տարածքը պաշտպանելու համար։ Մենք ագրեսիվ մտադրություններ չունենք մեր տարածաշրջանի որեւէ պետության հանդեպ»,- ասել է նա։