Պարետի նոր որոշմամբ մի շարք սահմանափակումներ փոփոխվել են
Երեւան: Մեդիամաքս: Հայաստանի պարետի նոր որոշմամբ արտակարգ դրության ռեժիմով պայմանավորված մի շարք սահմանափակումներ հանվել կամ փոփոխվել են։
Պարետ, փոխվարչապետ Տիգրան Ավինյանը հրապարակել է առանցքային փոփոխությունները.
«Վերաբացվել են՝
- Հանրակրթությունը, որը մեկնարկելու է սեպտեմբերի 15-ից
- Բուհական կրթությունը. սեպտեմբերի 1-ից առկա ուսուցմամբ հաճախելու են միայն բակալավրիատի 1-ին կուրսերը, մնացածի մասով՝ իրականացվելու է հիբրիդային (հեռավար տեսական եւ առկա գործնական պարապմունքներ) եղանակով ուսումնական գործընթաց
- Ոչ ֆորմալ եւ շարունակական կրթությունը մի շարք ուղղություններով։
Միաժամանակ, դեռեւս պահպանվում են սահմանափակումները արտադպրոցական սպորտային, արվեստի եւ մշակութային խմբակների մասով.
- Գրադարանները
- Թանգարանները
- Մշակույթի ոլորտը, այդ թվում՝ թատերահամերգային միջոցառումները եւ կինոցուցադրությունները, որոնք պետք է անցկացվեն բացառապես բացօթյա տարածքներում։
Սահմանվել են կանոններ՝
- Ոչ ֆորմալ եւ շարունակական կրթության ոլորտի
- Գրադարանների եւ թանգարանների
- Թատերահամերգային, կինոյի եւ այլ մշակութային միջոցառումների
- Օդանավակայանների եւ օդային ուղեւորափոխադրումների համար»,- նշել է պարետը։
Տիգրան Ավինյանը նաեւ հայտնել է, որ հեռուստահաղորդումների եւ հեռուստածրագրերի հեռարձակման ժամանակ հեռուստատեսային տաղավարում միայնակ գտնվողները, հեռուստահաղորդումների հեռարձակման ժամանակ սուրդոթարգամանություն իրականացնող մասնագետները այսուհետ կարող են դիմակ չկրել։
Փոփոխություններ են կատարվել նաեւ հանրային սննդի ոլորտում։ Թույլատրվել է բացօթյա տարածքներում կենդանի երաժշտության հնարավորությունը, մեկ սեղանի շուրջ այսուհետ թույլատրվում է մինչեւ 8 անձի նստեցում՝ նախկին 5-ի փոխարեն։
Երեւան: Մեդիամաքս: Հայաստանի պարետի նոր որոշմամբ արտակարգ դրության ռեժիմով պայմանավորված մի շարք սահմանափակումներ հանվել կամ փոփոխվել են։
Պարետ, փոխվարչապետ Տիգրան Ավինյանը հրապարակել է առանցքային փոփոխությունները.
«Վերաբացվել են՝
- Հանրակրթությունը, որը մեկնարկելու է սեպտեմբերի 15-ից
- Բուհական կրթությունը. սեպտեմբերի 1-ից առկա ուսուցմամբ հաճախելու են միայն բակալավրիատի 1-ին կուրսերը, մնացածի մասով՝ իրականացվելու է հիբրիդային (հեռավար տեսական եւ առկա գործնական պարապմունքներ) եղանակով ուսումնական գործընթաց
- Ոչ ֆորմալ եւ շարունակական կրթությունը մի շարք ուղղություններով։
Միաժամանակ, դեռեւս պահպանվում են սահմանափակումները արտադպրոցական սպորտային, արվեստի եւ մշակութային խմբակների մասով.
- Գրադարանները
- Թանգարանները
- Մշակույթի ոլորտը, այդ թվում՝ թատերահամերգային միջոցառումները եւ կինոցուցադրությունները, որոնք պետք է անցկացվեն բացառապես բացօթյա տարածքներում։
Սահմանվել են կանոններ՝
- Ոչ ֆորմալ եւ շարունակական կրթության ոլորտի
- Գրադարանների եւ թանգարանների
- Թատերահամերգային, կինոյի եւ այլ մշակութային միջոցառումների
- Օդանավակայանների եւ օդային ուղեւորափոխադրումների համար»,- նշել է պարետը։
Տիգրան Ավինյանը նաեւ հայտնել է, որ հեռուստահաղորդումների եւ հեռուստածրագրերի հեռարձակման ժամանակ հեռուստատեսային տաղավարում միայնակ գտնվողները, հեռուստահաղորդումների հեռարձակման ժամանակ սուրդոթարգամանություն իրականացնող մասնագետները այսուհետ կարող են դիմակ չկրել։
Փոփոխություններ են կատարվել նաեւ հանրային սննդի ոլորտում։ Թույլատրվել է բացօթյա տարածքներում կենդանի երաժշտության հնարավորությունը, մեկ սեղանի շուրջ այսուհետ թույլատրվում է մինչեւ 8 անձի նստեցում՝ նախկին 5-ի փոխարեն։