Татарстан халкына Гадәттән тыш хәлләр министрлыгының кушымтасын йөкләргә киңәш ителә
Ведомство кушымтасында оператив рәвештә мөһим мәгълүмат килә, шул исәптән беспилотниклар һәм ракета һөҗүме куркынычы игълан итү турында.
Моннан тыш, кушымта аша ашыгыч хезмәтләр белән элемтәгә керергә, шулай ук көнкүрештә гадәттән тыш хәлләрне кисәтү буенча бик күп файдалы мәгълүмат алырга мөмкин.
Кушымта тулысынча бушлай. Аны RuStore, шулай ук Google Play һәм App Store аша йөкләргә мөмкин. Хәбәрләр вакытында күренсен өчен, телефонда белдерүләрне алуны кушарга кирәк.