Социаль фонд пенсиягә өстәмә түләүләр вәгъдә итүче мошенниклар трында кисәтте
Социаль фонд Россия халкын пенсиягә өстәмә түләүне «гарантияле» рәсмиләштерүне тәкъдим итүче мошенникларның активлашуы турында кисәтте. Бу хакта Россия Социаль фонды матбугат хезмәтенә сылтама белән «Татар-информ» яза.
Мондый оешмалар түләүле консультацияләр, «яшерен инструкцияләр» тәкъдим итә һәм янәсе пенсиягә өстәмә түләү турындагы мәсьәләне тиз арада хәл итүне гарантияли.
Фондта билгеләп үткәнчә, россиялеләр элеккечә пенсия күләме һәм стажны раслау турындагы сораулар белән мөрәҗәгать итә, әмма соңгы елларда мондый мөрәҗәгатьләр саны сизелерлек кими. Фондлар берләшкәннән соң ул икеләтә – 53,6 процентка кимегән, тенденция 2026 елда да саклана: беренче кварталда күрсәткеч тагын 33,6 процентка кимегән.
Бу пенсияләрне исәпләүнең үтә күренмәле системасы һәм шәхсиләштерелгән исәпкә алуга бәйле. 1997 елдан башлап стаж һәм хезмәт хакы турындагы мәгълүматлар бердәм базада саклана. Хезмәт «Госуслуги» порталында иң кирәкле хезмәтләрнең берсе булып кала бирә.
Матбугат хезмәтендә аңлатуларынча, социаль фондның барлык хезмәтләре бушлай. Бер генә коммерцияле оешмасының да түләү эшләренә керү мөмкинлеге юк һәм гражданин өчен фондның үзеннән дә күбрәк эшли алмый. Ярдәм алу өчен рәсми сайтта электрон кабул итү бүлмәсе аша яки шәхсән клиент хезмәтенә мөрәҗәгать итәргә кирәк.