Депутат рәсми никахның ана капиталын алуда җиңеләйтүе турында сөйләде
Рәсми никах ана капиталын алу процессын шактый җиңеләйтә, чөнки ул бала тугач аталыкны билгеләү зарурлыгыннан азат итә. Бу хакта Дәүләт Думасы депутаты Александр Толмачев белдерде, дип хәбәр итә NEWS.ru порталы.
«Никах теркәлгән булса, ата-анага ана капиталын рәсмиләштерү күпкә җиңелрәк – әгәр паспортта штамп булмаса, бюрократик киртәләрне җиңәргә әзерләнергә кирәк. Шулай ук, рәсми никахтагы парның баласы тугач, туу турында таныклыкка ата белән ананың исемнәре шунда ук языла. Ә рәсми статус булмаганда, ата-анага аталыкны билгеләү турында аерым гариза бирергә туры киләчәк», – дип аңлатты депутат.
Толмачев өстәвенчә, рәсми никах милекне гадел булмаганча бүлүдән дә саклый. Дәүләт мондый гаиләне «уртак предприятие» буларак карый, ягъни пар тарафыннан сатып алынган барлык әйбер уртак милек булып санала.
Моннан тыш, депутат сүзләренчә, законлы никах мирас алу һәм милеккә хокукны теркәү процессын да шактый гадиләштерә.