Җәннәтнең 8 ишеге бар
Җәннәтнең 8 ишеге бар, дип «Әниләр мәчете» телеграм-каналында язалар.
- Намаз ишеге — намазны калдырмаучылар өчен.
- Аллаһ юлында тырышлык куючылар өчен ишек.
- Ураза ишеге — ихлас күңел белән ураза тотучылар өчен.
- Мохтаҗларга ярдәм итүчеләр, сәдака бирүчеләр өчен ишек.
- Уң ишек— бу ишектән хисапсыз сорау алусыз Җәннәткә керүчеләр керәчәк.
- Гафу ишеге— кешеләрне гафу итә белгән һәм ачуын тыя алганнар өчен.
- Хаҗ ишеге— кабул ителгән хаҗ кылучылар өчен.
- Тәүбә ишеге.
Пәйгамбәребез саллләллаһү галәйһи вә сәлләм бер бик мөһим доганы искә ала:
- «Кем дә кем тиешенчә тәһәрәт алса, аннары: «Әшһәдү әл-ләә иләәһә илләллааһү вәхдәһүү ләә шәриикә ләһ, вә әшһәдү әннә Мүхәммәдән гәбдүһүү вә рәсүлүһ» дип әйтсә, аның өчен Җәннәтнең 8 ишеге дә ачылыр һәм ул теләгәненнән керер»