У Мастоўскім і Свіслацкім раёнах знойдзены 2 снарады часоў Другой сусветнай вайны
Пра гэта паведамляе УУС Гродзенскага аблвыканкама.
Супрацоўнікі аддзялення аховы правапарадку і прафілактыкі Мастоўскага РАУС 7 кастрычніка атрымалі інфармацыю, што ў лесе каля вёскі Ляда могуць знаходзіцца снарады часоў вайны.
Пры праверцы ў зямлі знайшлі 155 мм артылерыйскі снарад часоў Другой сусветнай вайны. На месцы выставілі ахову. Боепрыпас будзе ліквідаваны на месцы яго залягання.
Супрацоўнікі Смаргонскага РАУС каля вёскі Крэва выявілі 152 мм артылерыйскі снарад часоў апошняй вайны. На месца была выклікана сапёрна-піратэхнічная група. Вайскоўцы дасталі снарад. Надалей ён будзе знішчаны.
За суткі жыхарамі Гродзеншчыны было здадзена ў міліцыю 15 адзінак зарэгістраванай і незарэгістраванай зброі ў межах спецаперацыі «Арсенал», адзначаецца ў паведамленні.
Фота УУС