У Мінскай духоўнай семінарыі прайшоў форум студэнтаў
У мінулыя выходныя, 13 і 14 снежня, у Мінскай духоўнай семінарыі прайшоў XVIII семінар студэнтаў вышэйшых навучальных устаноў Беларусі "Праваслаўе і цывілізацыйны выбар Беларусі". Ён быў прымеркаваны да 180-годдзя Полацкага Сабора 1839 года.
Сообщение У Мінскай духоўнай семінарыі прайшоў форум студэнтаў появились сначала на Газета Слонімская.
У Жыровічах
Упершыню для ўдзелу ў семінары заяўкі і тэзы дакладаў прымаліся на конкурснай аснове. У выніку аргкамітэт адабраў 70 студэнтаў, якія выступілі ад 27 беларускіх ВНУ.
Спачатку прайшло пленарнае паседжанне, а потым удзельнікаў размеркавалі па секцыях, у якіх яны зачыталі свае даклады.
Спявалі пад гітару
Праца праходзіла ў шасці секцыях: «Праваслаўная Царква ў гісторыі Беларусі», «Хрысціянскія каштоўнасці і філасофія», «Хрысціянскія каштоўнасці і сучасная педагогіка», «Хрысціянскія каштоўнасці ў еўрапейскай культуры», а таксама «Праваслаўныя духоўныя каштоўнасці ў культуры Беларусі» і «Уплыў хрысціянства на фармаванне традыцый царкоўна-дзяржаўных адносін».
Дакладчыкам давалі да сямі хвілін, каб тыя пазнаёмілі прысутных са сваімі навуковымі працамі.
У зале
Увечары студэнты адпачывалі пад гітарныя мелодыі і кампазіцыі аўтарскага складання, а таксама семінарскае харавое выкананне народных песень. Таксама студэнты Мінскай духоўнай семінарыі забаўлялі гасцей конкурсамі. У некаторых трэба было праявіць кемлівасць, у іншых — фізічную падрыхтоўку. Усе заданні выконваліся на час.
Пераможцаў узнагароджвалі садавіной з мясцовай крамы. Пачалося мерапрыемства з займальнай гісторыі вядучага пра тое, як семінарысты дабіраліся дамоў з вяселля іншага семінарыста, выкарыстоўваючы пры гэтым сваю таемную «зброю» — падрызнік. Завяршыўся вечар адпачынку візітнай карткай, якую даслалі ўдзельнікі семінараў мінулых гадоў.
Сообщение У Мінскай духоўнай семінарыі прайшоў форум студэнтаў появились сначала на Газета Слонімская.