Рубель дваццаць сем капеек плаціць за акцыю сорамна
Пытанне кошту акцый усплыло пры прыёме грамадзян Мастоў і раёна памочнікам прэзідэнта РБ па Гродзенскай вобласці Іванам Антановічам.
Былы работнік ААТ «Мастоўдрэў» паскардзіўся прадстаўніку прэзідэнта, што яму не выплачваюцца дывідэнды па акцыях прадпрыемства.
Для высвятлення пытання запрасілі генеральнага дырэктара прадпрыемства Сяргея Асосава. Апошні патлумачыў, што трымальнікам 99,97% акцый з`яўляецца дзяржава і толькі 0,03% прыходзіцца на фізічныя асобы.
Дывідэнды за мінулы год склалі 1 рубель 27 капеек. З гэтай нагоды сход акцыянераў прыняў рашэнне фізічным асобам не рабіць выплаты. Ці тыя выплаты былі здзейснены дзяржаве, высветліць не давялося. Сяргей Асосаў яшчэ падкрэсліў, што чалавек, калі працаваў на прадпрыемстве, як і іншыя работнікі, меў разавую дапамогу ад 400 тысяч да 1 мільёна недэмінаваных рублёў.
Сообщение Рубель дваццаць сем капеек плаціць за акцыю сорамна появились сначала на Газета Слонімская.