Што рабіць з градкамі на вуліцы Чарняхоўскага?
Адказ на гэтае пытанне чарговы раз шукалі на сходзе ў пятніцу, 20 верасня, жыхары ваеннага гарадка разам з начальнікам землеўпарадкавальнай службы Слонімскага райвыканкама Валерыем Пазняком.
Сообщение Што рабіць з градкамі на вуліцы Чарняхоўскага? появились сначала на Газета Слонімская.
Шыльда на ваеннай гасцініцы, за якой месцяцца агароды
Агароды жыхароў мікрараёна месцяцца за ваеннай гасцініцай (вул. Чарняхоўскага, 7) пры Шчары. Яны агароджаны і добраўпарадкаваны ў той частцы, дзе зямля абрабляецца. Сёлета на іх пасадзілі градкі толькі чатыры сям`і. Гэтыя людзі хацелі б садзіць свой агародзік недалёка ад месца жыхарства і ў наступным годзе.
Агародзік за ваеннай гасцініцай
Іншыя жыхары ваеннага гарадка выступаюць за тое, каб на месцы агародаў зрабіць (а дакладней, пашырыць) зону адпачынку: паставіць лаўкі, пракласці дарожкі, каб ім спакойна можна было там гуляць ажно да самай ракі. Ад былой настаўніцы прагучала нават прапанова стварыць на гэтым месцы парк адпачынку імя генерала Чарняхоўскага.
Валерый Пазняк пачаў сход з паведамлення, што сёлетнія грады ў гэтым месцы апошнія, іх гаспадары спакойна могуць сабраць свой ураджай, а потым гэтая тэрыторыя будзе добраўпарадкавана работнікамі ЖКГ.
РазРазмаўляюць пра лёс агародаў
— Калі ласка, збірайце свой ураджай, забірайце ўсё каштоўнае адтуль і вызваляйце самавольна занятыя ўчасткі. Такое рашэнне выканкама, — сказаў Пазняк.
— Валерый Мікалаевіч, Вы лічыце, гэта правільнае рашэнне? — спытала адна з прысутных на сходзе жанчын.
— Гэта рашэнне канчатковае, — прагучаў адказ. — Вам яно было даведзена і пісьмова, і вусна не толькі сёння ці ўчора, але нашмат раней.
— А што тут будзе на месцы нашых агародаў? — запыталіся людзі.
— Тут ЖКГ навядзе парадак, пасадзіць дрэўцы, кусты, пасее траўку, — адказаў Пазняк.
Дрэва на градках
Тады агароднікі пачалі казаць, каб парадак камунальнікі наводзілі на тэрыторыі, на якой ужо не садзяць грады, а ўчастак з градамі пакінулі ім, бо месца там хапае і для зоны адпачынку, і для градаў. З такой прапановай пагадзілася і прадстаўнік той групы жыхароў мікрараёна, якія выступаюць за пашырэнне зоны адпачынку ў гэтым месцы.
Напрыканцы сходу Валерый Пазняк паабяцаў давесці пра яго вынікі і пазіцыі бакоў да кіраўніцтва выканкама, а таксама паведаміць людзям пра канчатковае рашэнне ўладаў адносна агародаў і зоны адпачынку там па тэлефоне.
Сообщение Што рабіць з градкамі на вуліцы Чарняхоўскага? появились сначала на Газета Слонімская.