Помнік Льву Сапегу ў мяккім матэрыяле напалову гатовы

Адным з важных аб`ектаў, які плануюць адкрыць у гэты дзень, з`яўляецца помнік колішняму старасту Слоніма Льву Сапегу. На пасяджэнні аргкамітэта 12 чэрвеня прагучала, што помнік гатовы на 50%.
— Пакуль мы працуем з мяккім матэрыялам, працуем над кожнай дэталькай помніка. У бронзе яго пачнём адліваць у жніўні. А ў канцы жніўня помнік Льву Сапегу паставім у Слоніме, дзе і планавалі, каб 1 верасня падчас свята яго афіцыйна адкрыць. Адначасова, калі выдавецтва «Мастацкая літаратура» пастараецца, то з друку павінен выйсці і мой фотаальбом, асобны раздзел у ім будзе прысвечаны Льву Сапегу, — пракаментаваў карэспандэнту «Радыё Рацыя» ход працы над помнікам адзін з яго аўтараў, народны мастак Беларусі скульптар Іван Міско.
Фота з архіва «ГС»