Վայոց ձորի Աղավնաձոր գյուղի բնակիչները փակել են դպրոցի մուտքը
Վայոց ձորի մարզի Աղավնաձոր գյուղում նոր ուսումնական տարին չեն կարողանում սկսել՝ դպրոցը չի բացվում, քանի որ գյուղի բնակիչները փակել են դպրոցի մուտքը և աշակերտներին թույլ չեն տալիս ներս մտնել: Պատճառն այն է, որ արդեն տասն ամիս է՝ գյուղացիները մթերված խաղողի դիմաց գումարը չեն ստանում:
Մինչ այս աղավնաձորցիները բազմաթիվ բողոքի ակցիաներ են անցկացրել, փողոցներ փակել, մոտ մեկ ամիս առաջ էլ գյուղ էր այցելել վարչապետ Հովիկ Աբրահամյանը և խոստացել, որ հարցը կլուծվի: Լուծումը չտեսնելով՝ աղավնաձորցիները այս քայլին են դիմել:
Գյուղացիները նշում են, որ իրենց բողոքի ակցիան անժամկետ է:
Դպրոցի մոտ ոստիկաններ են եկել, ավելի ուշ ժամանեց նաև Վայոց ձորի ոստիկանապետ Մանվել Դավթյանը: Այստեղ է նաև գյուղապետը, ով նշում է, որ իրենք փորձել են այս ամիսների ընթացքում խնդիրը լուծել, սակայն այդպես էլ լուծում չի եղել:
Այլ պաշտոնյաներից արձագանք դեռ չկա:
Մանրամասները տե՛ս այստեղ