ԼՂՀ գլխավոր դատախազությունն ավարտեց ապրիլի պատերազմում սպանված զինծառայողների դիակների հետաքննությունը. Բազմաթիվ զոհվածների ականջներն ու մատները կտրված են
Լեռնային Ղարաբաղի Հանրապետության Գլխավոր դատախազությունը հրապարակել է Ադրբեջանի կողմից ապրիլի 2-ին սանձազերծված լայնածավալ մարտական ագրեսիայի կապակցությամբ հարուցված քրեական գործի հետաքննության արդյունքները, կապված ԼՂՀ ՊԲ զինծառայողների սպանությունների և նրանց մարմինների խոշտանգումների հետ:
Ինչպես հաղորդում է ԼՂՀ Գլխավոր դատախազությունը, ապրիլի 2-10-ը հարուցվել է 6 քրեական գործ, այդ թվում երեք առանձին քրեական գործ՝ Քյարամ Սլոյանի գլխատման փաստով (գործը հարուցվել է ապրիլի 2-ին), Հրանտ Ղարիբյանի գլխատման գործով (գործը հարուցվել է ապրիլի 2-ին) և Հայկ Թորոյանի գլխատման գործով (գործը հարուցվել է ապրիլի 3-ին)։
Հարուցվել են քրեական գործեր նաև Ռաֆիկ Հակոբյանի և Աղասի Ասատրյանի (գործը հարուցվել է ապրիլի 3-ին), Անդրանիկ Զոհրաբյանի և Ռոբերտ Աբաջյանի (գործը հարուցվել է ապրիլի 8-ին) սպանությունների և խոշտանգումների գործով։
Մեկ քրեական գործի շրջանակներում հետազոտվել է 15 զինծառայողների՝ փոխգնդապետ Ռոման Առաքելյանի, փոխգնդապետ Ալեքսան Առաքելյանի, փոխգնդապետ Օնիկ Գրիգորյանի, մայոր Սուրեն Մելքումյանի, ավագ լեյտենանտ Մաքսիմ Գրիգորյանի, շարքային զինծառայողներ Ժորա Եսայանի, Բագրատ Ալեքսանյանի, Բորիս Օզմանյանի, Գրիգորի Հարությունյանի, սերժանտ Ադամ Սահակյանի, պայմանագրային զինծառայող շարքային Անդրանիկ Գրիգորյանի, շարքային Տիգրան Բերաքչյանի, շարքային Արման Անդրասյանի, շարքային Ազատ Սիմոնյանի, լեյտենանտ Աշոտ Շահբազյանի մարմինների խոշտանգումների գործով։ Գործը հարուցվել է ապրիլի 10-ին։
Փորձաքննությունների արդյունքների համաձայն՝ Քյարամ Սլոյանն ու Հրանտ Ղարիբյանը գլխատվել են մահից հետո։ Հայկ Թորոյանին գլխատել են կենդանության օրոք։
Ռաֆիկ Հակոբյանի, Աղասի Ասատրյանի, Անդրանիկ Զոհրաբյանի, Ռոբերտ Աբաջյանի, Ալեքսան Առաքելյանի, Օնիկ Գրիգորյանի, Ռոման Պողոսյանի, Սուրեն Մելքումյանի, Մաքսիմ Գրիգորյանի, Ժորա Եսայանի, Բագրատ Ալեքսանյանի, Բորիս Օզմանյանի, Գրիգոր Հարությունյանի, Ադամ Սահակյանի, Անդրանիկ Գրիգորյանի ականջները կտրած են եղել։
Տիգրան Բերաքչյանի մոտ կտրված են եղել ականջներն ու աջ ձեռքի մատները։ Արման Անդրասյանի մոտ կտրված է եղել աջ ականջը, կտրվածքներ են եղել կրծքավանդակի վրա։
Ազատ Սիմոնյանի մոտ կտրված է եղել աջ ձեռքի մատը։ Աշոտ Շահբազյանի ձախ աչքը հանված է եղել։