ԱՄՀ. Հայաստանի համար ավելի նպատակահարմար կլինի ՋԷԿ-երի շահագործումը
Երկարաժամկետ հեռանկարում Հայաստանի համար ավելի նպատակահարմար կլինի ՋԷԿ-երի շահագործումը: Այս մասին ապրիլի 6-ին կայացած մամուլի ասուլիսում այս մասին նշել է Արժույթի միջազգային հիմնադրամի հայաստանյան առաքելության նորանշանակ ղեկավար Հոսեյն Սամիեյին, պատասխանելով ԱրմԻնֆո գործակալության թղթակցի հարցին:
«Ռուսաստանը պատրաստակամություն է հայտնել Հայաստանին աջակցել ԱԷԿ-ի շահագործման ժամկետի 10 տարով երկարաձգման հարցում: Դա հենց այն առաջարկն էր, որի կառավարությունը չկարողացավ հրաժարվել: Իրականում, Հայաստանին անհրաժեշտ են էլեկտրաէներգիայի արտադրության այլընտրանքային աղբյուրներ, մասնավորապես, խոսքը գնում է ՋԷԿ-երի մասինե,-նշել է նա, ընդգծելով, որ նույն կարծիքին է նաև Համաշխարհային բանկը:
Ինչպես պարզաբանել է նա, մեկ ՋԷԿ-ն արդեն նախագծված է և որոշ ժամանակ անց կառուցվի, իսկ ինչ վերաբերվում է երկրորդին, նա նշել է, որ ներկա պահին նախագիծը գտնվում է քննարկման փուլում:
Ինչ վերաբերվում է երկրի էներգետիկ համակարգի բարեփոխումներին, Սամիեյին նշել է. «ՀՀ կառավարությունը հսկայական ջանքեր է գործադրում էլեկտրաէներգիա արտադրող ձեռնարկությունների ֆինանսական ապահովման ուղղությամբ, մասնակիորեն օպտիմալացնելով գնագոյացման մեխանիզմները, իսկ մասնակիորեն`այն աշխատանքները, որոնք ուղղված են էլեկտրաէներգիայի և էմերգամատակարարման արտադրության արդյունավետության բարձրացմանըե:
Հիշեցնենք, որ Համաշխարհային բանկի կանխատեսումներով 2016 թվականին Հայաստանի տնտեսական աճն ակնկալվում է`2.5%: Ըստ ՎԶԵԲ-ի կանխատեսման, Հայաստանի տնտեսական աճը 2016 թվականին կկազմի 2%: ՀՀ Կենտրոնական բանկի 2015 թվականի չորրորդ եռամսյակի դրամավարկային քաղաքականության ծրագրով, ՀՆԱ-ի աճի կանխատեսումը 2016 թվականին վերանայվել է դանդաղեցման կողմը`3.2-3.9%-ից մինչև 1,6-2,7%: ՀՀ պետական բյուջեով 2016 թվականին ՀՆԱ աճը կկազմի 2.2%: Ըստ ՀՀ Ազգային վիճակագրական ծառայության տվյալների, Հայաստանի ՀՆԱ-ի աճը 2015 թվականին կազմել է 3%, 2014 թվականի 3.5%-ի համեմատ:
Նշենք, որ Հայաստանը նախատեսում է 1000 ՄՎտ հզորությամբ նոր ատոմային էներգաբլոկ կառուցել: Շինարարությունը նախատեսվում է սկսել 2018-2019 թթ.: Նախագծի ընդհանուր արժեքը շուրջ $5 մլրդ է: Միաժամանակ Հայաստանում ԵՄ պատվիրակության ղեկավար Տրայան Հրիստեան հայտարարել է, որ ՀԱԷԿ վաղաժամկետ փակումը և շահագործումից դուրս բերումը շարունակում է Եվրամիության գլխավոր նպատակը մնալ: Մինչդեռ ՌԴ նախագահի խորհրդական Յուրի Ուշակովը հայտարարել է, որ Ռուսաստանը $270 մլն չափով արտոնյակ վարկ կտրամադրի Հայաստանին`ՀԱԷԿ շահագործման ժամկետի երկարացման նախագծի իրականացման նպատակով: