«Ընձուղտն ամեն ինչ գիտի» հաղորդակցական տեխնոլոգիաները «ճահիճն» են քաշում ԵԱՏՄ միասնական տեղեկատվական տարածքի ձևավորման արդի պրոբլեմը
Եվրասիական բանկի մամուլի կենտրոնում այդպես էլ չկարողացան հաստակ պատասխան տալ, թե ինչու ներկայումս Մոսկվայում ընթացող եվրասիական տնտեսական ինտեգրման հարցերով 10-րդ Միջազգային կոնֆերանսի տեղեկատվական գործընկերներ են հանդես գալիս բացառապես ռուսաստանյան ԶԼՄ-ները, և արդյոք բանկի նման դիրքորոշումը չի հակասում ինտեգրացիոն գործընթացների ընդհանուր սկզբունքներին և նպատակներին:
Պատասխանելով յուրօրինակ մեդիա «ռազմավարության» վերաբերյալ ԱրմԻնֆո գործակալության հարցին, ԵԱԶԲ-ում հայտնեցին, որ հայտեր են ստացել բացառապես ռուսաստանյան լրատվական գործակալություններից: Ինչպես գտնում է «Ագենսի օֆ ռեյտինգ մարկետին ինֆորմեյշն (ԱրմԻնֆո ԼԳ)» տնօրեն Էմանուիլ Մկրտչյանը, կարելի է ողջունել Բանկի ձանձրացրալի և անստեղծագործ նախաձեռնությունը, որն, այնուամենայնիվ, օգտակար է մեդիային` «լավագույն հրապարակման» զանազան մրցույթների առումով: Կարելի է ներել նաև ԶԼՄ-ների կողմից եվրասիական տարածության դիտարկումների նկատմամբ ցուցաբերած որոշակի ինֆանտիլիզմը, ինչը մեծ բացատներ է ստեղծում ԶԼՄ-ների տվյալների բազայում: Սակայն, նրա խոսքով, չի կարելի համաձայնվել բանկի խտրական քաղաքականությանը`հիմնական գործընկերների ընտրության առումով, սահմանափակվելով միայն ռուսաստանյան ԶԼՄ-ներով, չնայած այնբանին, որ հզոր տեղեկատվական հոսքի կազմակերպումը դեպի ԵԱՏՄ անդամ-երկրներ, ընդ որում, հոսքերի, որոնք հիմնված են միասնական ինտեգրման հավասարազոր կենտրոնների ինտեգրացիոն գործընթանցների տեսլականի վրա, պարզապես անհրաժեշտություն է: «ԵԱԶԲ-ի, տվյալ պարագայում` նաև ամբողջ ԵԱՏՄ-ի կոմունիկացիոն հայեցակարգի, կենտրոնաձիգ ուժի փոխարեն, «ընձուղտն ամեն ինչ տեսնում է ու ամեն ինչ գիտի» հին սովորությամբ որդեգրեցին, եթե ոչ «կենտրոնախույս», ապա, ավելի շուտ, «քաոսային», վատ համակարգված կապի տեխնոլոգիաներ, որոնց զրոյական Օ.Գ.Գ.-ն շուտով կդառնա ակնհայտ»,-նշել է Մկրտչյանը:
Նշենք, որ Մոսկվայում տեղի է ունեցել եվրասիական տնտեսական ինտեգրման հարցերով 10-րդ Միջազգային կոնֆերանսը, որի նպատակն ինտեգրացիոն գործընթացների հետագա զարգացման ուղիների որոնումն է: Ինչպես տեղեկացնումէ ԵԱԶԲ մամուլի կենտրոնի խղճուկ հաղորդագրությունը, կոնֆերանսում հատուկ ուշադրություն է դարձվել ինտեգրացիոն գործընթանցների փոփոխությանը, որոնք հաջորդեցին Եվրասիական տնտեսական միության ստեղծման Պայմանագրի ուժի մեջ մտնելուն: Միջոցառման մասնակաիցները քննարկել են ԵԱՏՄ տնտեսական զարգացման ուղիները, համագործակցության հնարավոր նախագծերը տնտեսության առանցքային ոլորտներում, անդրադարձել արդյունաբերական կոոպերացիայի խորացման պրոբլեմներին, կապիտալի շարժին, ինչպես նաև տարածաշրջանում ֆինանսական նոր ընդհանուր շուկայի ձևավորմանը: