«Գազպրոմ» ՀԲԸ–ն կարող է $48 մլն դոլար կորցնել Հայաստանի գազի գնի զեղչերի դեպքում
ԵՐԵՎԱՆ, 11 մարտի. /ԱՌԿԱ/. «Գազպրոմ» ՀԲԸ ռուսական էներգետիկ ընկերությունը կարող է 48 մլն դոլար իր հասույթից, եթե անփոփոխ թողնի Հայաստանի գազի գինը, գրում է «Կոմերսանտը»։
Հայաստանի կառավարությունը նախօրեին հավանություն է տվել գազի գնի ռուս–հայկական համաձայնագրերին և «ՀայՌուսԳազարդի»` 2013 թվականի բաժնեմասի վաճառքի պայմաններին։ Այդ փոփոխությունների համաձայն (դրանք դեռ պետք է ստորագրեն երկու երկրների պրոֆիլային նախարարությունները), Հայաստանի համար գազի գինն առաջին եռամսյակում կմնա հազար խորանարդ մետրի դիմաց 165 դոլարի մակարդակում, ինչպես և 2015 թվականի վերջին։
Ինչպես հայտնում է «Կոմերսանտը», «Գազպրոմում» և Ռուսաստանի էներգետիկայի նախարարությունում չեն մեկնաբանել ռուսական կողմի համաձայնությունը կամ անհամաձայնությունը զեղչերին։
«Դա կախված է նախագահների բանակցությունների արդյունքներից, բայց զեղչի տրամադրման հավանականությունը մեծ է։ Մյուս տարբերակը Հայաստանում սակագների բարձրացումն է, իսկ դա քաղաքական տեսանկյունից ցավոտ հարց է։ Պարզ չէ, թե ինչպես կլուծվի հարցը երկարաժամկետ հեռանկարում, քանի որ «Գազպրոմի» մատակարարումների շահութաբերությունն առանց այն էլ ցածր է տրանսպորտային տարանցիկ ուղու պատճառով։ Երկիրը տարեկան օգտագործում է մոտ 2 մլրդ խորանարդ գազ, և եթե զեղչը գործի անընդհատ, ապա «Գազպրոմը» շուրջ 48 մլրդ դոլար կկորցնի իր շահույթից»,– գրում է պարբերականը։
Հայաստանի և Ռուսաստանի միջև գործող պայմանագրի համաձայն, ռուսական գազի գինը Հայաստանի համար նվազեցվել է 13 տոկոսով` հազար խորանարդ մետրի դիմաց 189 դոլարից մինչև 165 դոլար։ Համաձայնագիրը տարածվում էր 2015 թվականի հունվարի 1–ից 31–ը, ինչից հետո սակագինը պետք է վերանայվեր։ Հայաստանի համար ռուսական գազի նոր գինը թույլ է տվել փոխհատուցել «Գազպրոմ Արմենիա» ընկերության` արժութային շուկայի փոխարժեքի լուրջ տատանումների հետ կապված ֆինանսական կորուստները, ինչը նպաստել է դրամի արժեզրկմանը։ Հակառակ դեպքում, ընկերությունը ստիպված կլիներ դիմել կարգավորիչին վերջնական սպառողի համար գազի սակագնի բարձրացման խնդրանքով։
«Հայաստանը «Գազպրոմի» համար Անդրկվոկասի առավել խոշոր և հուսալի շուկաներից մեկն է այն պահից, երբ 2006 թվականին Ադրբեջանը դադարեցրել է ներկրումը կասպիական Շահ Դենիզ հանքավայրի շահագործումը սկսելուց հետո»,– հայտնում է «Կոմերսանտը»։
Այս պահին Ռուսաստանը Հայաստանի բնական գազի հիմնական մատակարարն է։ -0-