Мордовия Республикань медицинань куроксто лезксэнь максомань станциясь нолдась од теварсевкс – ардомапельтненень макстнемс ветицянь тевентень эрямонь алтыцятнень лемест! (эрзя)
Теньгушевань буень Администрациянть ды Сергей Иванович Сусарев прявт ветицянть лезксэст вельде, 11-це номер постсонть ютавтовсь историянь алкуксонь покшчи. Минь тонадынек, ине ломантнень лемест кандтнить кораблят ды самолётт, ансяк ней Мордовиясо Геройтнень лемест кандтнить медицинань лезксэнь куроксто явомань ардомапельть! Ветицятнень ледстнемга, кить вечкевикс тевентень алтызь 30 иеде ламо эрямост, арсезель пингеде-пингес ванстомс сынст лемест. Ней медицинань лезксэнь куроксто явомань колмо ардомапельть кандтнить сетнень лемест, кить кементь иеть ветясть эйсэст, капшить лездамо куш кодамо пертьпельксстэ. Вана сынст лемест: Пётр Артюшкин, Пётр Юдин ды Владимир Буртасов. Ней эрьва машинасонть ули башка QR-код. Сонзэ ловозь, мереви содамс ломаненть биографиянзо, кинь лемензэ кандтни машинась, ды ледстямс сонзэ кинзэ. Те аволь ансяк машинат, те покш ойме ды кшнинь нервань ломантненень чары лангсо кеврунгот. Свалшкань ледстнема ды сюконямо!