Шумбрачинь ванстомась васенце таркасо! (эрзя)
2025 иестэнть саезь Мордовия Республикасо топавтовить «Продолжительная и активная жизнь» ды «Кудораське» нацпроекттнэ, истя жо федеральной лия программатне. Тедеде регионсонть витнезь 14 медицинань учрежденият. Ней врачтне ды медицинань персоналось важодить вадря условиятнесэ неень шкань оборудованиянть лангсо, пациенттнэнень явови лезкс вадрясто витнезь зданиятнесэ.
2025 иень невтевкстнэнь коряс Мордовия республикань санитарной авиациянь службась специализированной вертолётось тейсть 50 ливтямот. Тедеде «Охрана материнства и детства» проектэнть лувсо республикасонть теезь авань 5 од консультацият аватненень медицинань лезксэнь явоманть туртов, истя жо велетнесэ ды вишка оштнесэ эрицятненень.
Россиянь Президентэнть Владимир Путинэнь лезксэнзэ вельде, «Развитие инфраструктуры здравоохранения» федеральной проектэнь топавтоманть лувсо, тедеде ушодовсь Республикань онкологиянь диспансерэнь лецямонь од корпусонь строямось. Ташто зданиянть таркас, конась строязь 1970 иестэ 1954 иень типовой проектэнть коряс, строяви диспансерэнь од корпус, те лезды вадрялгавтомс онкологиясо сэредицятненень медицинань лезксэнь явоманть. Объектэнть покшолмазо 21 тёжадо ламо кавонзазь метрат. 2025 иестэ регионсонть целанек топавтозь «Земский доктор/Земский фельдшер» программась. Программанть лувсо тешкстазь договорт медицинань 42 важодицятнень марто. Тевтнень топавтомо кундасть 31 врач ды 11 фельдшерт.