Россиялик аёл 2 яшар қизини нонни ушатиб егани учун ўлдириб қўйди…
Тергов материалларида таъкидланишича, Омсклик 28 ёшли исми-шарифи маълум қилинмаган аёл уйига маст ҳолатда кириб келган. Шу маҳал 2 яшар қизчаси булочкани ушатиб еганига кўзи тушган. Аёл ғазабга келган ва ушоқларни териб булочканинг қолгани билан бирга қизалоқнинг оғзига тиққан. Оқибатда қизча тиқилиб ўлим топган.
Шундан кейин аёлнинг ўйнаши мурдани кўздан панага беркитиб келган. Орадан 10 кун ўтиб ўйнаши спиртли ичимликдан заҳарланиш туфайли ўлим топди. Қотиллик жинояти эса бир ойдан кейин ошкор бўлди. Яъни, аёлнинг яқин дугонаси қизчанинг қаердалиги билан қизиқа бошлаган. Арзирли жавоб ололмагач, шубҳаланиб полицияга хабар берган. Олдинига аёл содир этган жиноятини тан олмади. Ҳамма айбни марҳум ўйнашига тўнкаб туриб олди. Лекин тез орада ҳарқалай бўйнига олди.
Шу йил 18 феврал куни Самара вилояти Октябрьск шаҳрида яшовчи эркак уч ойлик чақалоғини йиғлайверишидан безор бўлиб дазмол билан уриб ўлдирганди.
Астағфирилло!!!