OzodNazar: O‘zbekistondagi yangi universitet abiturientlari yozgan insho shov-shuv bo‘ldi

Mamlakatdagi oliy o‘quv yurtlariga, shu jumladan bu yil tashkil qilingan Alisher Navoiy nomidagi O‘zbek tili va adabiyoti universitetiga ham hujjat qabul qilish jarayoni yakuniga yetdi. Davlat test markazi tarqatgan ma’lumotga qaraganda, yangi universitetda ochiladigan 300 o‘ringa 5301 yigit-qiz hujjat topshirgan. Bo‘lajak navoiychilar hujjat topshirar ekan, oldinda turgan test-sinovlaridan tashqari ijodiy imtihondan ham o‘tdilarki, OzodNazar mehmoni Abdurahmon Tashanovning aytishicha, yangi Universitetdan hozirdanoq eski illat – korruptsiya hidi anqiy boshladi.