Рөстәм Миңнеханов Оренбург өлкәсендә Сабантуй кунакларын машинада йөрткән
Бүген Татарстан авыллары һәм район үзәкләрендә генә түгел, читтәге төбәкләрдә дә Сабан туйлары гөрли. Оренбург өлкәсендә узган Сабан туенда Татарстан Рәисе Рөстәм Миңнеханов та катнашкан. Рөстәм Миңнеханов Сабан туе кунакларын ретро-автомобильдә йөрткән.
Татарстан Рәисе ГАЗ-69 руле артына утырган. Бу хакта аның матбугат хезмәте җитәкчесе Лилия Галимова хәбәр итте.
«Анда кем икәнен белмим, әмма аның йөртүчесе – Миңнеханов үзе. Оренбург өлкәсендәге Сабан туенда Рөстәм Миңнеханов ретро-автомобиль яныннан узып китә алмады һәм... бәйрәм кунакларын утыртып йөртте», – дип язган Лилия Галимова үзенең телеграм-каналында.