Вăйлисем тупăшрĕç
.jpg)
Паллă ентешĕмĕре, Раççей геройне Николай Гаврилов генерал-лейтенанта халалласа Шупашкарта ирĕклĕ майпа кĕрешессипе ăмăртусем иртрĕç. Раççейĕн тĕрлĕ кĕтесĕнчен килнĕ 100 спортсмен Валерий Кочков ячĕллĕ спорт шкулĕнче тупăшрĕ. 10 медаль комплектне илессишĕн хĕрӳ тупăшу иртрĕ. Кашниех çĕнтерме тухрĕ. Чăваш Ен командин чысне 40 спортсмен хӳтĕленĕ. Раççей геройĕ, пирĕн мухтавлă ентеш Николай Гаврилов генерал-лейтенант Чăваш Енре кĕрешӳ спорчĕн федерацине ертсе пыма пуçланăрпа вăхăт нумаях иртмен, çапах та вăл ç
<p>Паллă ентешĕмĕре, Раççей геройне Николай Гаврилов генерал-лейтенанта халалласа Шупашкарта ирĕклĕ майпа кĕрешессипе ăмăртусем иртрĕç. Раççейĕн тĕрлĕ кĕтесĕнчен килнĕ 100 спортсмен Валерий Кочков ячĕллĕ спорт шкулĕнче тупăшрĕ.</p>
<p>10 медаль комплектне илессишĕн хĕрӳ тупăшу иртрĕ. Кашниех çĕнтерме тухрĕ. Чăваш Ен командин чысне 40 спортсмен хӳтĕленĕ. Раççей геройĕ, пирĕн мухтавлă ентеш Николай Гаврилов генерал-лейтенант Чăваш Енре кĕрешӳ спорчĕн федерацине ертсе пыма пуçланăрпа вăхăт нумаях иртмен, çапах та вăл çитĕнекен ăрушăн тĕслĕх вырăнĕнче тесе палăртрĕç ăмăртăва килнĕ сумлă хăнасем. Вĕсен йышĕнче Раççей Федерацийĕн Патшалăх Думин депутачĕ Анатолий Аксаков, Чăваш Республикин физкультурăпа спорт министрĕ Василий Петров, Раççейри кĕрешӳ спорчĕн федерацийĕн ертӳçи Михаил Мамиашвили, олимп чемпионĕ Давид Мусудьбес тата ытти сумлă çынсем пулчĕç. Чăваш Енре çулсерен кĕрешӳ спорчĕн тĕнчипе туслашакансем нумайланса пынине палăртрĕç. Сăмахран, хальхи вăхăт тĕлне 3 000 ытла çамрăк ку енĕпе ăсталăхне туптать.Николай Гаврилова курăмлă ĕçсем тунăшăн малашне те çак федерацине ертсе пыма шанчĕç. Кирилл Бахметьев, Егор Егоров, Владислав Шамбиков, Никита Львов, Зугум Магомедов, Кирилл Порфирьев, Арсений Сергеев, Александр Николаев, Илья Авдеев тĕрлĕ виçере ăмăртса ылтăн медальсем илме тивĕçрĕç<strong> </strong></p>