Հայաստանում սուր շնչառական հիվանդությունների համաճարակ չկա. «Սուրբ Աստվածամայր» ԲԿ մանկաբուժական բաժանմունքի ղեկավար (տեսանյութ)
Հայաստանում սուր շնչառական հիվանդությունների համաճարակ չկա։ Այս մասին Tert.am-ի հետ զրուցում վստահեցրեց «Սուրբ Աստվածամայր» բժշկական կենտրոնի մանկաբուժական բաժանմունքի ղեկավար Զոհրապ Խանիկյանը՝ հավելելով, որ այս պահին անգամ պետք չէ խոսել դրա վտանգի մասին։
«Հիվանդանոցներում կա հիվանդների քանակի ավելացում, քանի որ այստեղ գալիս են բարդացված վիճակում, երբ, օրինակ, 40 աստիճանից ջերմությունը չի իջնում, բարդացված թոքաբորբ է. մինչև այդ փորձում են տնային պայմաններում բուժվել՝ առանց բժշկի խորհրդատվության, և սրացումներ են լինում»,- մանրամասնեց բժիշկը։
Նա ընդգծեց, որ բաժանմունքում 30 մահճակալ կա, ստացիոնար բուժում ստացողների թիվը 60-ն է, սուր շնչառական հիվանդություններով 8 քաղաքացի վերակենդանացման բաժանմունքում է:
«Ադմինիստրացիայից տրվել է թույլտվություն հիվանդներին տեղավորել նաև այլ բաժանմունքներում, տեսնում եք՝ միջանցքներում հերթերի սպասող հիվանդներ չկան, եթե հիվանդը ստացիոնար բուժման կարիք է ունենում, չենք մերժում»,- ընդգծեց Զոհրապ Խանիկյանը։
Մանրամասները՝ տեսանյութում։