АР-м и ЛIышъхьэ Николай Расторгуевым IукIагъ
Адыгэ Республикэм и ЛIышъхьэу ТхьакIущынэ Аслъан гипс заводэу «ВОЛМА» зыфиIорэм икъызэIухын фэгъэхьыгъэ концертым хэлэжьэнэу Адыгеим къэкIогъэ УФ-м инароднэ артистэу, музыкальнэ купэу «Любэм» ипащэу Николай Расторгуевым IукIагъ.
«Сэнаущыгъэу пхэлъымкIэ, уитворчествэкIэ цIыфхэр зыфэощэх, искусствэм фэопIух. Уиорэдхэм сыдигъуи патриотизмэ нэшанэр къябэкIы, ащкIэ инэу тыпфэраз. Адыгеим къыщыптыщт концертым къекIолIэрэ цIыфхэр зэрифэшъуашэу къызэрэппэгъокIыщтхэм, мы пчыхьэзэхахьэр зэращымыгъупшэжьыщтым, шIукIэ агу къызэринэжьыщтым сицыхьэ телъ», - къыIуагъ ТхьакIущынэ Аслъан.
Музыкальнэ искусствэм дакIоу, общественнэ-политическэ Iофыгъохэм, Украинэм зэхигъэуцогъэ санкцие спискэу купэу «Любэр» зыхэфагъэм, нэмыкI лъэныкъохэми ТхьакIущынэ Аслъанрэ Николай Расторгуевымрэ атегущыIагъэх.
АР-м и ЛIышъхьэу итворчествэ зышIогъэшIэгъонэу лъыплъэрэм зэрэфэразэр Н. Расторгуевым къыIуагъ ыкIи «Любэм» июбилейнэ концертэу къихьащт илъэсым мэзаем Москва щызэхащэщтым ТхьакIущынэ Аслъан ригъэблэгъагъ.