“ბევრი პოლიტიკოსი წინასაარჩევნოდ ცდილობს რაღაც ქულების დაწერას" - მიხეილ ჯანელიძე
საგარეო საქმეთა მინისტრი გუბაზ სანიკიძეს პოლიტიკურ სპეკულაციასა და სიცრუეში ადანაშაულებს. მიხეილ ჯანელიძე ეროვნული ფორუმის ერთ-ერთი ლიდერის მიერ გუშინ რუსთავი 2-ის ეთერში გაკეთებულ განცხადებას გამოეხმაურა.
საუბარია არაბული ქვეყნების მიერ აფხაზეთის დამოუკიდებლობის აღიარების განზრახვაზე, რომელიც სანიკიძის განცხადებით, მისი ძალისხმევით არ განხორციელდა. მინისტრის განმარტებით, მსგავს ფაქტს ადგილი არ ჰქონია.
“ბევრი პოლიტიკოსი წინასაარჩევნოდ ცდილობს რაღაც ქულების დაწერას. საგარეო საქმეთა სამინისტრო ძალიან აქტიურად არის ჩართული არაღიარების პოლიტიკაში და ძალიან წარმატებით ახორციელებს არაღიარების პოლიტიკას. არანაირად არ დავადასტურებ ამ ინფორმაციას, ნებისმიერი საფრთხე და ნებისმიერი, ვთქვათ ამ მიმართულებით ნაბიჯი რომელიც შეიძლება გადაიდგას, საგარეო საქმეთა სამინისტრო ამ პროცესს ძალიან ეფექტურად აკონტროლებს“- განაცხადა მინდია ჯანელიძემ.