Լիբանանցի երգչուհուն քննադատել են «համարձակ» հիջաբի համար
Մերձավոր Արևելքում հայտնի երգչուհի և դերասանուհի, ծագումով լիբանանցի Հայֆա Ուահբիին երկրպագուները քննադատել են, իրենց կարծիքով, շատ համարձակ հիջաբով լուսանկարների համար, գրում է Lenta.ru-ն։
40-ամյա երգչուհին Facebook-ի իր էջում լուսանկար է տեղադրել, որում նա սև ատլասից կոմբինեզոնով է, որի մեջքը բաց է և որն ունի գլխարկ, ինչն էլ հիջաբի դեր է կատարում։ Նրա հետևորդներից շատերը լուսանկարը չափազանց համարձակ են որակել՝ պնդելով, որ դա անարգանք է կրոնական հագուստի տարրի նկատմամբ։
Վահբիի էջն ունի 8 մլն հետևորդ։ Հիջաբով այդ նկարը հավանել է 62 հազար հետևորդ, նրա երկրպագուներից շատերը չեն համաձայնել քննադատությունների հետ՝ նրան հիացմունքի խոսքեր ասելով։
Հայֆա Ուահբին համարվում է Արևելքում երկրորդ ամենահանրահայտ երգչուհին՝ Նենսի Աջրամից հետո։ Նա ծնվել ու մեծացել է Լիբանանում՝ շիայի և քրիստոնյայի ընտանիքում։ Երիտասարդ տարիներին մոդել է եղել, 16 տարեկանում նվաճել է «Միսս Հարավային Լիբանան» տիտղոսը։
Երգչուհու առաջին ալբոմը լույս է տեսել 2002 թվականին, երկրորդը՝ 2005-ին։